Олабўжи романдан катта хикоя

эҳтиёж сезмади. Шундай эса-да, сўради: – Хўш, нима учун кетиб қолган 
экан? 
Наби ўзини тарозига солгандай баҳузур чимирилди ҳамда 
“Газик”ни тепалатиб: 
– Қорабой ёмон бола эмас ўзи, – деди. – Ленин саёқ... 
– При чём тут Ашим? 
 
– Сабр қилинг, домиллажон... Биз кетгандан кейин у билан 
гаплашдингизми? Сойда бир юлғуннинг остида ўтирган экан-ку? 
– Ҳа-а, – деди Ултон бўғинига тушиб. – Биз келишган эдик, балиқ 
овлаймиз деб. Сизлар борганда, халақит бермаслик учун... 
– Ҳар каллада – ҳар хаёл деганлари рост! – деди Наби. – Опа 
шундан гумонсираган экан... 
– Нима учун? 

---

168 
– Баҳор опанинг бир рашкчи укаси бор-да... – чайналиб гапириш 
жонига тегдими, бақириб юборди: –Э, ничево!.. Майда гаплар бари! 
– Нима, ўша укасига айтар эканми Ашим? 
– Айтиши мумкин экан-да! 
– Ҳим. 
– Понятно? 
– Ашимнинг ўзи менга “опани айлантиринг”, деган бўлса-чи? 
– Ў-ў, одам экан-ку! 
– У яхши одам. 
– Лекин жўн, содда-да. 
– А, нима қипти... Соддалик – буюк фазилат! Жўнликни 
билмадим... 
– У – жўн... Шундай бўлмаса, қар-ри отани ташлаб, эшикма-эшик 
юрармиди! У бечора бўлса, “Ашимнинг тўйига” деб тўртта эчкини боқиб 
юрипти! 
– A-а, Ашим учун? 
– Ҳа-да! 
– Ҳим, одамларни тушуниш – мушкул ҳол! – Ултон ўз гапидан 
вазмин тортиб, суянчиққа ястанди. Улар рўпарадаги дарага кириб 
бормоқда эдилар. – Тоққа чиққим келаётир, – давом этди у. – 
Тошқўрғонга борсам. Етимчўққи гўзал жой... Биласанми, Оқсув ҳам бир 
кун расво бўлади... Унда балиқлар ўрнида каламушлар сузиб юришини