Олабўжи романдан катта хикоя

Менинг нимамга қизиқади КГБнгиз? Мени, умуман, бу давлат ҳам, 
сиёсат ҳам, арбоблар ишиям, борингки, халқнинг аҳволиям 
қизиқтирмай қўйган!” дейишни ўйлади. 
Кейин эса ўзининг... худди шундай яшаши у маҳкама ходимларига 
(бошқаларгаям!) сирли кўриниши, демак, худди шу тарзда яшашининг 
ўзиёқ улар эътиборини тортиши муқаррар эканига имон келтирди. 
Ва мийиғида жилмайиб: “Буям табиий, ҳа...” деб қўйди. Сўнгра 
чеҳраси очилиб, “улар”ни қандайдир “ташвиш”га солгани, ҳатто 
телефонни номерсиз ўтқазганлари учун хурсанд бўлиб кетди. 
– Набибой, Каттага бир сим қоқиб қўйсакми? – деб сўради. – 
Бобой... 
– Э-э-э! – Наби “Газик”ни буриб, кулбага ҳайдади. 
Ултон “07”ни териши замон у ёқда дастак кўтарилди. 
– Алё, алё! 
 
– Мен Ултон Султонов бўламан. Сизмисиз, Омон ака? 
– Э, ассалому алайкум, домилла! Ким керак эди? Набижон 
бордиларми? 
– Келди, – деди Ултон. – Раҳмат сизга... – Кейин сўради: – 
Тўқлибой Қўчқорович билан гаплашмоқчи эдим. 
– Ҳозир-да! Ҳозир... – Зум ўтмай Омон гўё Тўқлибой Қўчқоровга 
айланиб: – Лаббай. Мен эшитаман, – деди. 
– Домла, мен... Ултонман. 
– Э, уйинг буғдойга тўлсин! Қаёғларда юрибсан? 
– Узр, отам ҳали замон... 
– Отанг шу ерда ўтирипти... – Қўчқоров ким биландир икки оғиз 
гаплашди. Сўнг: – Ҳозир етиб кел, – деди. – Эшитдингми? 
– Ҳа, домла! 
– Гап бор... – Сўнг хушнуд ҳолда овозини кўтарди: – Ремонт қалай 
кетаяпти? Хурсандмисизлар? 

---

209 
– Жуда. 
– Шунақа. Ухла, болам Бахтиёр, ҳар бир ишнинг вақти бор... Ҳе-ҳе. 
– Кейин трубкадан “гап тамом” дегандай тинг-тинг товуш эшитила