Nizomiy nomidagi toshkent davlat pedagogika universiteti arxeologiyadan izohli lug

Antiox Soter devori – Murg‘ob vohasi deltasida ko‘chmanchilar hujumidan davlatni himoya qilish uchun mil. avv. III asrning birinchi yarmida qurilgan. Uning uzunligi 250 km.ni tashkil qiladi.
Altar – otashgoh. Otashparastlar ibodatxonasida mangu olov yonib turadigan maxsus qurilma. Ibodatxona ichkarisida maxsus o‘choq sifatida, ibodatxona oldida maxsus baland platforma shaklida qurilgan. Uning oldida diniy marosimlar o‘tkazilgan. Otashgoh olovi so‘ndirmasdan saqlangan. Uning kuli ham muqaddas deb sanalib, maxsus joylarda toza holda saqlab borilgan. Otashgohlar ozarbon (otashbon) tomonidan qo‘riqlangan.
Ark – shaharning markaziy qismi. O‘rta asrlarda “ko‘handiz” deb atalgan. Ark shaharning baland qismiga qurilgan. Atrofi alohida mudofaa devorlari va suv to‘ldirilgan maxsus xandaq bilan o‘rab olingan. Arkda hukmdorining saroyi, masjid, zindon va shaxsiy qo‘riqchilari hamda shahar mahkamasi joylashgan.