Nizomiy nomidagi toshkent davlat pedagogika universiteti arxeologiyadan izohli lug

Drapsak – Afg‘onistondagi Qunduz shahriga lokalizatsiya qilinadi.
Dovdon kanali – Amudaryoning chap qirg‘og‘idagi qadimiy kanali bo‘lib, o‘ng qirg‘og‘idan Ko‘hna Uaz va chap qirg‘og‘idan Chermonyob kanali sistemasi chiqarilgan. Ko‘hna Uaz kanali mil. avv. IV asrning birinchi yarmida Janubiy va Shimoliy Daudan daryolari oralig‘ida bunyod etilgan. Uning kanallari to‘g‘ri burchak ostida tarmoqlangan bo‘lib, unda mayda ariq soni nihoyatda kam. Ko‘hna Uazda daryo tomonlari dambalar bilan himoyalangan. Tadqiqotlar jarayonida daryo suvining toshib ketgan izlari topilgan. Bu dambalar daryo suvidan aholini himoya qilish uchun qurilgan. Amudaryo irmoqlari o‘z yo‘nalishlarini tez-tez o‘zgartirib turganligi sababli, antik davrning boshlariga kelib, ya’ni mil. avv. IV asrdan Dovdon kanalining suvi kamaya borgan. U faqat Chirmonyob kanalini suv bilan ta’minlagan. Shuning uchun bu davrda faqat Qal’aliqir, Ko‘zaliqir vohalari rivojlangan. Lekin suvning kamayishi sun’iy sug‘orish tizimini yanada takomillashishiga olib kelgan. Kichik kanallar birlashtirilib, yirik magistral kanallarga aylantirilgan. Ularning saqasi daryo bilan bevosita bog‘langan. Bu, ayniqsa, Chermonyob kanali bo‘ylarida kuzatilgan. Bu davrdagi kanallar kengligi va sayozligi tufayli toshqinlar davridagina suv bilan to‘lgan.