Nizomiy nomidagi toshkent davlat pedagogika universiteti arxeologiyadan izohli lug

Diodor Sitsiliyskiy – mil. avv. 90-30-yillarda yashagan qadimgi yunon tarixchisi. U o‘zining 30 yil umrini tarixiy ma’lumotlarni to‘plashga sarflagan. Uning “Tarixiy kutubxona” asari 40 kitobdan iborat bo‘lgan. Asarning bizgacha faqat  I – V va XI – XX kitoblari yetib kelgan. IX va X kitoblarining parchalari saqlanib qolgan. Uning oxirgi to‘liq kitoblari 1453-yilda turklar tomonidan Konstantinopolning egallanish jarayonida yo‘qotilgan.
Deyish – daryo toshqinini Xorazmda shu nom bilan atashadi. Deyish davrida daryoga yaqin joylashgan hududlarga katta ziyon yetadi. O‘rta Amudaryo bo‘ylaridagi qadimgi va o‘rta asrlarga oid qal’alar, Tuyamo‘yin havzasidagi qadimgi davrga oid Xumbuztepa, Yelxaras, Kaparas, Kat kabi yodgorliklar Amudaryo toshqini ostida qolgan. Amudaryo toshqinining oqibatlari keyingi davrlarda ham kuzatilgan. Jumladan, 1959-yilda To‘rtko‘l shahrini suv bosgan.