Nizomiy nomidagi toshkent davlat pedagogika universiteti arxeologiyadan izohli lug

Yoztepa yodgorligi Turkmanistonning Murg‘ob vohasida joylashgan bo‘lib, u XX asrning 50-yillarida V.M.Masson tomonidan o‘rganilgan. Yodgorlikdan topilgan sopol buyumlar ishlanishining o‘ziga xos uslublari tahlil qilinib, shu asosda ularning davriy sanalari aniqlangan.
Yaz I mil. avv. 900-650-yillar bilan belgilanib, bu davrni xarakterlovchi belgisi qo‘lda ishlangan, turli naqshlar bilan bezatilgan sopollar hisoblangan.
Yaz II mil. avv. 650-500-yillar bilan belgilangan. Bu davrda sopol idishlar charxda ishlangan. Sopol idishlarning shakli sfera, konus shaklida bo‘lib, osti konik, gardishi qarmoqsimon bo‘lib, tashqi tomonga qayrilgan. Shuningdek, sopol idish gardishi bilan yelka oralig‘i bo‘rtmasi valik sifat qilib ishlangan. Sopol idishlarga tamg‘alar bosilgan. Ular asosan, romb, xoch va to‘ntarilgan uchburchak shakllaridan iborat.
Yaz III mil. avv. 500-400-yillar bilan belgilanib, sopol idishlar charxda ishlanib, yoqasi to‘lqinsimon tarzda ishlangan. Qo‘lda ishlangan idishlar soni kamayib boradi va ular orasida keng yoqali, yon tomonida kalta jumragi bo‘lgan qozonlar uchraydi.