Низомий номидаги тошкент давалат педагогика университети

---

1 
ЎЗБЕКИСТОН РЕСПУБЛИКАСИ 
ОЛИЙ ВА ЎРТА МАХСУС ТАЪЛИМ ВАЗИРЛИГИ 
 
НИЗОМИЙ НОМИДАГИ
ТОШКЕНТ ДАВАЛАТ ПЕДАГОГИКА УНИВЕРСИТЕТИ 
 
 
 
 
 
 
 
 
 
КУРС ИШИ ВА БИТИРУВ МАЛАКАВИЙ ИШИНИ
ЁЗИШ ВА УНИ ҲИМОЯ ҚИЛИШ БЎЙИЧА
МЕТОДИК ЙЎРИҚНОМА 
 
 
 
 
 
 
 
 
 
 
 
ТОШКЕНТ – 2022 

---

2 
 
Методик йўриқнома Университет Услубий Кенгашининг 2022 йил “26” 
мартдаги 8 - сонли йиғилишида тасдиқланди 
Муаллиф:
Саттарова Б.Дж. – Ўқув-меъёрий хужжатларни такомиллаштириш
бўлими бошлиғи 
Тақризчилар: 
Ходжаев Б. – “Умумий педагогика” кафедраси мудири, п.ф.д., профессор 
Шахмурова Г.А. - Зоология ва анатомия кафедраси мудири, профессор 
Агзамова М.Н. - Мактабгача таълим педагогикаси ва
психологияси кафедраси мудири, доцент. 
 
 
 
 
 
 
 
 
 

---

3 
I.
 
КУРС ИШИ ЁЗИШГА ТАЙЁРГАРЛИК 
Курс иши мавзусини танлаш. 
Курс иши мавзулари (банки) кафедра 
профессор-ўқитувчилари томонидан тузилиб, кафедра мажлисида муҳокама 
қилинади ва тасдиқланади. Курс иши мавзуси қисқа ва аниқ бўлиши лозим ва 
мавзу талабанинг илмий ва амалий қизиқишларини ҳисобга олган ҳолда мустақил 
равишда мавзулар банкидан танлаб олинади (1-илова). Фан бўйича маъруза олиб 
борувчи профессор - ўқитувчи талаба танлаган мавзуни рўйхатга олади ва курс 
иши ёзилишини назорат қилади.
Курс иши мавзусини танлашда, унинг аҳамияти, назарий ва амалий 
материалларни мавжудлиги ва етарли бўлиши, янги масалаларни ўрганилиши, 
талаба танланган мавзу ҳақида умумий тасаввурга эга бўлиши, танланган 
масалаларга қизиқиши ҳам муҳим аҳамиятга эга. 
Мавзу жуда кенг масалаларга бағишланмаслиги, қисқа масалаларни аниқлаш 
билан чегараланмаслиги керак. Мавзу танлашда якунланган фан юзасидан чуқур 
билимга эга бўлиш, аудитория машғулотларида олинган билимларни 
чуқурлаштириш, курснинг навбатдаги бўлимларини ўрганишга яқиндан ёрдам 
беришга хизмат қилиши керак.
Талабалар фан(модул)лар бўйича ёзадиган курс иши илмий йўналиши 
жиҳатидан бир-бири билан боғланган бўлиши, мутахассисликка доир 
масалаларини изчил ўрганишга ёрдам беришни назарда тутиши керак. 
Курс иши мавзусини жараёнида, талаба раҳбар назоратида мавзуга оид 
саволлар доираси билан танишиб чиқиши, мавзуга оид адабиётлар билан 
таништирилиши талаб қилинади. Мавзу танлангач, талаба томонидан адабиётлар 
таҳлил қилиниши ва аниқ муаммо белгилаб олиниши зарур.
Курс ишини бажариш жараёнида илмий ва тарбиявий ишлар комплекс асосда 
амалга оширилиб, улар орасида қуйидагилар биринчи даражали аҳамиятга эгадир: 

фаннинг долзарб мавзуси ва муаммоларини ўрганиш ва таҳлил қилиш; 

курс иши устида ишлаш жараёнида талаба танлаган мавзуни чуқур 
ўрганиш, унинг йўналишларини таҳлил қилиш ҳақидаги тушунчага эга бўлиш; 

---

4 

мустақил ишлаш фаолияти билан танишиш, иқтисодий, назарий ва амалий 
долзарб масалаларни ёзма баён қилиш усулларини ўрганиш. 

библиография тузиш, статистик тўпламлардан фойдаланиш, мавзулар 
бўйича конспект тузиш, тавсиялар ишлаб чиқиш, ишни расмийлаштириш 
кўникмасига эга бўлиш; 

ҳуқуқий, ўқув-меъёрий ҳужжатларни амалиётда тадбиқ қилинишини 
ўрганиш.