Низомий номидаги тошкент давалат педагогика университети

 
III.
 
БИТИРУВ МАЛАКАВИЙ ИШИ ВА КУРС ИШИНИНГ ЎХШАШ 
ҲАМДА ФАРҚЛИ ЖИҲАТЛАРИ 
Битирув малакавий ишининг курс ишидан катта фарқи (тажриба-синов 
ишларини ўтказиш имконияти ва зарурати мавжуд бўлса) педагогик тажрибанинг 
ташкил этилишидадир. Курс ишини бажариш учун талаба таъкидловчи тажриба 
билан кифояланиши мумкин. Бунинг учун у ўқувчилар билан савол-жавоб 
(сўровнома, интервью, суҳбат ва бошқаларни) ўтказади. 
Битирув малакавий ишида таъкидловчи тажриба иши доим ҳам етарли 
бўлмайди. Кўпинча шакллантирувчи тажриба ўтказилади. Унинг моҳияти 
шундаки, ҳодиса ва жараёнлар қатъий назорат қилиш ва бошқариш шароитида 
ўрганилади. Исталган тажрибанинг асосий тамойили тадқиқ қилинаётган 
жараёнларнинг ҳар бирида бошқа омиллар ўзгаришсиз қолгани ҳолда биргина 
омилни ўзгартиришдан иборат. 
Тажриба ишининг қуйидаги босқичларини ажратиш мумкин: 
1.
Фараз ҳамда асосий мақсад ва вазифаларни белгилаш. 
2.
Тажриба дастурини ишлаб чиқиш. 
3.
Тадқиқот натижаларини қайд қилиш усулларини ишлаб чиқиш. 
4.
Тажрибани ўтказиш. 
5.
Натижаларни сифат ва миқдор жиҳатдан таҳлил қилиш. 
6.
Натижаларни умумлаштириш, изоҳлаш, хулосаларни ёзиш. 

---

14 
IV.
 
БИТИРУВ МАЛАКАВИЙ ИШИНИНГ ТАХМИНИЙ ТУЗИЛИШИ 
ВА БЎЛИМЛАР МАЗМУНИ 
Битирув малакавий иши қуйидагилардан ташкил топади: кириш – умумий 
ҳажмнинг 10%; назарий қисм – назарий масалаларни қўйишдан кўзланган мақсад, 
уларни ўрганишнинг белгиланган даражасидан келиб чиққан ҳолда умумий 
ҳажмнинг 25-30%; таҳлил ёки методикани ёритувчи қисми – 15-20%; тажриба-
синов ишлари ҳақидаги қисм – 30-35%; хулосалар – 5%; фойдаланилган 
адабиётлар рўйхати. 
Битирув малакавий ишининг тузилиши, ундаги боблар мутаносиблиги ҳар 
бир ишнинг мавзуси, объекти, предмети, мақсадига боғлиқ ҳолда алоҳида 
белгиланади. Битирув малакавий ишининг ҳажми матн, жадваллар, иллюстрация 
материаллари билан бирга 50-80 саҳифани ташкил этиши лозим. 
Кириш
қисмида
-
Мавзунинг долзарблиги (ижтимоий ва педагогик жиҳатдан асосланади); 
-
Танланган мавзунинг ишланганлик даражаси (аниқланади); 
-
Битирув малакавий ишининг мақсади (муаммо белгиланади); 
-
Тадқиқот объекти; 
-
Тадқиқот предмети;
-
Тадқиқотнинг фарази; 
-
Битирув малакавий ишининг вазифалари; 
-
Тадқиқотнинг методологик асоси; 
-
Ҳимояга олиб чиқилаётган ҳолатлар; 
-
Тадқиқотнинг янгилиги (мавжуд бўлса); 
-
Битирув малакавий ишининг структураси келтирилади. 
Кириш қисмида тадқиқотни олиб бориш методлари, манбалар, дастлабки 
маълумот қисқача тавсифланади. Кириш қисмининг сўнгги варианти ишнинг 
бошқа қисмлари тайёр бўлганидан кейин таҳрирланади.