Neft va gaz mahsulotlarini tashish va saqlash texnologiyasi

MEHNAT MUHOFAZASI VA XAVFSIZLIK TEXNIKASI
Xavfsizlik texnikasi ishchilarga ishlab chiqarish omillarining salbiy ta’sirini oldini olishga oid texnik vositalar va tashkiliy choralar tizimini belgilaydi. Mehnat muhofazasi mehnat jarayonida insonning sog‘lig‘i va ish lash qobiliyatini saqlash, xavfsizlikni ta’minlovchi ijtimoiy – iqtisodiy, tashkiliy, texnik, gigiyenik, profilaktik davolash choralari va vositalariga doir qonun chiqarish tizimini belgilaydi.
YoQShlar hududida bir talay ishlar havo muhitiga yonilg‘i mahsulotlarini
bug‘larini ajralib chiqishi bilan birga boradi. Xizmat xonalarida havo muhitini himoya qilish bo‘yicha ishni to‘g‘ri tashkil qilish va mehnatning me’yoriy sharoitlarini yaratish
uchun zararli moddalar ajralib chiqishi manbalarini aniqlash, ularni miqdorini aniqlab ruxsat etilgan qiymatlar bilan solishtirish zarur.
Mashina, mexanizmlar, uskunalar ishlashi natijasida sodir bo‘ladigan
fizik jihatdan xavfli va zararli ishlab chiqarish omillari bevosita ishlab turgan obyektlarning o‘zida aniqlashini va mazkur ish joyida mehnat xavfsizligi ta’minlanishi zarur. YoQShga tegishli ustaxonalarda avtomobillarga texnik xizmat ko‘rsatishda, metallarga ishlov beruvchi dastgohlarning mehnat sharoitlari parametrlariga baho berishda xavfli joylarni to‘sish, shovqin, vibratsiya va hokazolar ГОСТ 12.2.009 talablariga javob berishi kerak. Ish joylarida ruxsat etilgan shovqin darajasi, mashina, mexanizmlar, transport vositalari va boshqa uskunalar shovqin tafsilotlariga
umumiy talablar ГОСТ 12.1.003 ga muvofiq belgilanilishi kerak.
Ishchi joylariga vibratsiya beradigan ishlab chiqarish uskunalari, mashina va agregatlarni ishchi joylaridagi vibratsiya QMQ 2.04.05 talablariga mos kelishi kerak.
Vibratsiyalar inson organizmiga ta’sir qilishiga qarab ishlayotgan odamning qo‘liga va ishchi joyiga beriladigan vibratsiyalarga bo‘linadi. Ishchi joylarida vibratsiyani o‘lchash vositalari va tekshirish ГОСТ 12.4.012 talablariga mos kelishi kerak. Harorat, namlik, barometrik bosim, havo harakati tezligi sanitar- gigiyenik talablar va ishchi xonasidagi havoda zararli moddalar (gazlar) miqdori ГОСТ 12.1.005 va SanPin ¹ 0058 ga mos kelishi zarur ishchilarni turgan joyidagi pol yoki maydoncha yuzasidan 2,0
m yuqoridagi havo ishchi zona deb hisoblanadi.
ГОСТ 12.3.002 ga muvofiq uskunalarni joylanishi, tuzilishi va ularga xizmat ko‘rsatish tartibi, inshootlar va quvur uzatgich kommunikatsiyalarni inobatga oluvchi texnologik hujjatlar tarzida ishlab chiqilishi kerak. Ishlayotgan ishchi zonadagi havo muhitini yoritilganlik, gazlashganlik va boshqalar bo‘yicha me’yoriga keltirish;
mexanizatsiya vositalari, tekshirish tizimi va ishchilarni himoyalash va ishlab chiqarish uskunalarini avariyali o‘chirilishini ta’minlovchi texnologik jarayonni boshqarish, ish maromini hamda mehnat va dam olishni oqilona tashkil qilish; uskuna germetikligi; ishchilarni himoya vositalari bilan ta’minlashga oid texnologik jarayonlar
uchun xavfsizlik talablari ishlab chiqilishi lozim. Elektr xavfsizligi, odamlarni elektr toki, elektr yoyi, elektromagnit maydoni, issiqlik, kuchli yorug‘lik nurlanishi va statik elektrning zararli ta’siridan himoyalashni ta’minlovchi tashkiliy va texnik choralar
hamda vositalar tizimini belgilaydi.
Elektr xavfsizligi ГОСТ 12.1.019 ga muvofiq ta’minlanishi kerak. Ishlab chiqarishga javobgar mutaxassis va xizmatchilar xavfsizlik texnikasi va ishlab chiqarish sanitariyasi bo‘yicha yo‘riqnoma va me’yorlarni qat’iyan bajarishlari shart va o‘zlariga bo‘ysundirilgan shaxslardan ularni talab qilishlari kerak. Maishiy, sanitariya xonalar tarkibi, maydoni va boshqa tafsilotlari
QMQ 2.09.04 ga muvofiq bajarilishi kerak.