Neft va gaz mahsulotlarini tashish va saqlash texnologiyasi

YoQShlarini yashindan himoyalash. Bino va inshootlar yoki ularning qismlari vazifasi va hududda joylashishiga ko‘ra, yashin fao liyatining mutassilligi hamda yiliga bo‘ladigan yashindan qutilgan shikastlanish miqdoriga, yashindan himoyalash qurilmasi toifa si va himoya zonasi turiga ko‘ra muhofazalanishi kerak. Yashin himoya qurilmasiga talablar va yashin qaytargichlarni hamma zonasini
aniqlash SN 305 me’yoriy hujjati bilan o‘rnatiladi.


ATROF-MUHIT MUHOFAZASI
Neft mahsulotlarining inson va atrof-muhitga ta’siri. Katta miqdorda neft qazib olinishi, qayta ishlanishi va neft mahsulotlarining texnikada keng qo‘llanishi natijasida insoniyat quyidagi jabhalarda namoyon bo‘layotgan salbiy ta’sirlarni aniqladi:
– atmosferaning kimyoviy tarkibini o‘zgarishi va uning o‘rtacha
haroratining ko‘tarilishi;
– yer va suvni neft mahsulotlari bilan bilan ifloslanishi;
– yonilg‘ini insonning biror joyiga to‘kilishi natijasida zaharli
ta’siri;
– havo havzasini yonilg‘i bug‘lari bilan ifloslanishi;
– shaharlar havosini dvigatel chiqindi gazlaridagi zaharli moddalar
bilan ifloslanishi;
– yonilg‘ilarning yonish va portlash xavfi borligi.
Atmosferaning kimyoviy tarkibini o‘zgarishi neft mahsulotlarining yonishi natijasida sodir bo‘ladi. Ichki yonar dvigatellari uglevodorodli yonilg‘ilarning asosiy iste’molchilari bo‘lib, yonish jarayonida kislorod sarflanadi va uglerod ikki oksid CO2 ajralib chiqadi. Ushbu modda yer atmosferasida doimiy oshib bormoqda va uning
ortishi, yerga yutiladigan va qaytariladigan quyosh quvvatining nisbatini o‘zgartirmoqda, bu esa yer sharining iqlimini o‘zgarishiga va har xil halokatlarga olib kelmoqda. Dvigatel silindrlarida yonilg‘i (neft mahsulotlari) ni yonish jarayonida
quyidagi zaharli moddalar hosil bo‘ladi:
– is gazi CO;
– azot oksidlari NO, NO2, N2O4, N2O5, NOX;
– yonmagan uglevodorodlar va uning termik parchalanish mahsulotlari
CnNm;
– qurum;
– oltingugurt oksidlari SO2, SO3;
– aldegidlar.
Zamonaviy avtomobil bir yil davomida atrof-muhitga o‘rtacha 1000 kg gacha uglerod oksidi, 100 kg dan ortiq uglevodorodlar va 40 kg azot oksidi ajralib chiqaradi. Shahar atmosferasiga chiqayotgan zaharli moddalarning 80 foizdan ortig‘ini ichki yonar dvigatellari chiqarar ekan. Ushbu moddalarning inson salomatligiga salbiy ta’sir ko‘rsatayotganligini e’tiborga olib, neft mahsulotlarining ekologik xavfsizligi tushunchasi kiritilgan.