Navoiy ijodining xorijda tadqiq etilishi. Navoiyshunoslik muammolari

Mirzo Ulug`bek nomidagi O`zbekiston Milliy Universiteti Jurnalistika fakulteti Filologiya va tillarni o`qitish: o`zbek tili yo`nalishi 215- guruh talabasi Abduraxmanova Umida
Navoiy ijodining xorijda tadqiq etilishi. Navoiyshunoslik muammolari.
Reja:
1.Kirish
2. XVI- XX asrlar g`arb adabiyotida Navoiy asarlarining o`rni
3. G`arb olimlarining Alisher Navoiy haqidagi dastlabki fikrlari
4. Navoiy ijodining yangi tartibda o`rganilishi va g`arb navoiyshunosligida yangi bosqich
5. Fransiyada Navoiy ijodining yosh navoiyshunos Mark Toutant asarlarida o`rganilishi
6. "Sarandib shohi uch yosh o ‘g ‘loninig ziyorati" asarida Navoiy asarlaridan parchalar va kitob haqida umumiy ma`lumotlar (G. Olimova maqolasi asosida)
7. Navoiyshunoslik fani muammosi
8. Foydalanilgan adabiyotlar
9. Savol va topshiriqlar
1. Kirish
Barchamizga ma`lumki, Navoiyni o`rganish nafaqat sharqda, balki g`arbda ham sharq adabiyotidan biroz keyin o`rganila boshlagan. Navoiy haqidagi dastlabki fikrlar to`g`ri bo`lmagan va buning bir qancha sabablari bor. Eng asosiy sabablardan biri Navoiyning asarlari yetarlicha tahlil qilinmagan va buning ham sababi esa sharq xalqlari mentaliteti, adabiyoti, she`riyat, nasr va umuman madaniyati ham sharqdan tubdan farq qilganligi bois Navoiyni tushunish g`arb olimlari uchun sharqdagidek tushunarli bo`lmagani deb qarasak bo`ladi. Shunga qaramay o`tgan asrlarda ham va bugungi kunda ham g`arbda bir qancha navoiyshunoslar bo`lib, ularning asarlari ham navoiyshunoslik uchun kerakli manbalar hisoblanadi. Navoiy haqidagi ilk qarashlar sharqshunos olimlar tomonidan bir xil talqin qilingan va yillar o`tib yuz bergan xato va kamchiliklarga tuzatishlar kiritildi. Navoiy asarlarini o`rgangan asosiy xalqlarga turklar, eronliklar, ruslar, fransuzlar, gruzinlar, nemislar, inglizlarni misol qilishimiz mumkin. Bu xalq adabiyotshunoslarining tadqiqotlari nafaqat navoiyshunoslik fani uchun, balki ularning o`z xalqi adabiyoti uchun ham kerakli manba vazifasini o`taydi, chunki boshqa xalqlar adabiyotshunoslari Navoiy asarlarini o`rganibgina qolmay, uning hikoyatlari va uslublaridan o`z asarlarida foydalangan.