Навоий давлат кончилик институти корхона жиҳозлари

1.33. –расм. Камерали қуритгич:
1– камера; 2-вагонетка; 3-пластинкалар; 4,6,7, - калориферлар; 5-вентилятор; 8 – шибер.



1.34. расм. Туннелли қуритгич: 1 –камера; 2 вагонеткалар; 3–вентилятор;4– калориферлар

1.23.Тасмали қуритгичлар

Узлуксиз ишловчи тасмали қуритгичлар тўртбурчакли қуритиш камераси ичида жойлаштирилган битта ёки тагма-таг ўрнатилган бир нечта тасмали конвейерлардан иборат бўлади. Тасма сифатида металл тўрдан ёки тешикли юпқа пластинадан фойдаланилади (тасма бутун бўлиши ҳам мумкин). 1.35 –расмда кўрсатилган қуритгичнинг камерасида қуритиладиган материал қатлами етакловчи ва етакланувчи барабанларга тортилган тасма билан бирга ҳаракатланади.

1.35. –расм. Тасмали қуритгич: 1–камера; 2–тасма; 3–етакловчи барабанлар; 4–етакланувчи барабанлар; 5-калорифер; 6– кириткич (питатель).

Нам материал тасманинг биринчи учига берилади, қуригани эса иккинчи (энг пастдаги тасма) учидан олинади. Қуритиш материалга нисбатан қарама-қарши ёки перпендикуляр ҳаракат қиладиган иссиқ ҳаво ёки ёнишдан ҳосил бўлган газлар ёрдамида амалга оширилади.

Тасмали қуритгичларнинг камерали ёки туннелли қуритгичлардан афзаллиги шундаки, материал бир лентадан иккинчисига тўкилаётганида қўзғалади ва қуритувчи агент билан тегишиш юзаси ошади. Натижада қуритишнинг тезлиги жадаллашади ва бир маромда бўлиши яхшиланади. Лекин тасмали қуритгичлар ҳам қўпол, солиштирма унумдорлиги (1м² тасма юзасига нисбатан) кичик, солиштирма иссиқлик сарфи эса катта, ҳамда тасмаларнинг чўзилиши ва айланганда қияланиши (перекос) туфайли уларни ишлатиш қийин. Бундан ташқари уларда пастасимон материалларни қуритиб бўлмайди.
Пастасимон материалларни қуритишда валецли ва тасмали қуритгичларнинг комбинациясидан ташкил топган вальцо-тасмали қуритгичлардан фойдаланилади. Бундай қуритгичларда киритгичдан тушаётган паста буғ билан иситиладиган валец ва пресс валкалар оралиғида сиқилади, ҳамда бироз қуритилади. Кейин валецга ёпишиб қолган ва прессланган материлл махсус пичоқ билан туширилади ва қўшимча конвейер ёрдамида тасмали қуритгич конвейерига берилади.