Навоий давлат кончилик институти корхона жиҳозлари

6.6.Тарелкали колонналар

Тарелкали колонналар самарали ишлаганлиги учун кенг тарқалган. Улар, ичига газнинг юқорига, суюқликнинг пастга оқишини таъминловчи горизонтал тўсиқлар-тарелкалар ўрнатилган вертикал цилиндр корпусдан иборат. Тарелкалар модда алмашиниш учун зарур бўлган, суюқ ва газ фазаларининг бевосита контаклашишини таъминлайди.

Тарелкали колоннанинг конструкциялари жуда хилма–хил. Бу қайта ишланадиган хом- ашёнинг ассортименти катталиги, колоннанинг унумдорлиги кенг диапозонда ўзгариб туриши ва турли гидравлик режимда ишлаши билан боғлиқ. Тарелкаларга қуйидаги талаблар қўйилади:
-газ билан суюқликнинг яхши контаклашишини таъминлаш;
-гидравлик қаршилиги кичик бўлиши;
-газ ва суюқлик сарфи кенг диапозонда ўзгарганда ҳам ишлай
олиши;
-конструкцияси оддий, ишлатиш ва таъмирлаш осон бўлиши;
-енгил бўлиши.
Тарелкали колонналарни ясашда углеродли ва легирланган пўлатлар, айрим ҳолларда рангли металлар ва чўян ишлатилади.
Ҳозирги кунда керамика, графит ва фтороплас каби металлмас материаллардан тайёрланадиган колонналарни ишлаб чиқариш ҳам йўлга қўйилмоқда.
Тарелкали колоналарнинг диаметри 300 мм дан 12 м гача бўлиши мумкин. Уларнинг баландлиги – тарелекалар сонига ва улар орасидаги масофага боғлиқ. Тарелкалар орасидаги масофани камайтириш билан колоннанинг баландлигини камайтириш мумкин. Лекин бу пастки тарелкадан баланддагисига суюқликнинг ташиб кетилишига ва натижада колонна ф.к.и.нинг камайишига олиб келиши мумкин. Колоннанинг диаметрига боғлиқ ҳолда тарелкаларни қуйидаги масофада ўрнатиш тафсия этилади:
Колонна диаметри,м; 0,8 гача 0,8÷1,6 1,6÷2 2÷2,4 2,4 дан;
Тарелкалар орасидаги масофа; 200-350 350÷400 400÷500 500÷600 600 дан катта.


6.7. Тарелкаларнинг турлари

Тарелка устидаги суюқликни пастга оқиб тушишини ташкиллаштириш усулига қараб тарелкалар қўйилиш қурилмали (ташкиллаштирилган қуйилиш) ва қуйилиш қурилмасиз (ташкиллаштирилмаган қурилиш) каби турларга бўлинади.

Қуйилиш қурилмаси бўлмаган тарелкалар (1.1- расм, а) тешикларнинг бир қисмидан газ юқорига, қолган қисмидан эса суюқлик пастга ҳаракатланади. Тарелканинг барча тешикларини эгаллаган майдон (бу майдон тарелканинг бўш қисми деб аталади) шундай танланадики, газ оқимининг тезлигида тешикларнинг бир қисмидан суюқлик пастга оқиб тушади.