Навоий давлат кончилик институти корхона жиҳозлари

Абсорбция. Сиртий абсорберлар

Кенг тарқалган модда алмашиниш жараёнларидан бири абсорбция ҳисобланади. Бу жараённи амалга ошириш учун сиртий, плёнкалий, насадкали ва тарелкали абсорберлардан фойдаланилади. Абсорберларнинг бундай турланиши фазаларнинг бир-бири билан тегишиш (контакт), юзасини ҳосил қилиш усулига қараб амалга оширилган. Сиртий ва плёнкали ускуналарда қўзғалмас ёки ҳаракатдаги суюқликнинг сирти ёки оқаётган плёнка юзаси фазаларнинг тегишиш юзасини ҳосил қилади. Сиртий абсорбернинг чизмаси 1.1-расмда кўрсатилган. Бу ускунада секин ҳаракатланаётган суюқлик устидан газ ўтади ва унинг таркибидаги бир ёки бир нечта модда суюқликка ютилади. Тегишиш юзаси кичик бўлганлиги учун бундай ускуналарнинг бир нечтасини кетма-кет улаш мумкин ва улар асосан эрийдиган газларни юттириш учун қўлланилади.

1.1-расм. Сиртий абсорбер

Бу турдаги ускунанинг такомиллашганроғи тагма-таг ўрнатилади ва совитувчи сув билан суғориладиган горизонтал трубалар қаторидан ташкил топгани ҳисобланади (1.2-расм).

1.2.-расм. Суғориладиган абсорбер. 1-абсорбер элементи; 2-қуюлиш остонаси.

2. 
   Плёнкали абсорберлар
   

Плёнкали абсорберлар сиртий абсорберларга нисбатан анча ихчам ва самарали ишлайди. Бундай ускуналарда тегишиш юзаси суюқликнинг трубали,текис-паралел ёки ясси насадкали ва баландга ҳаракатланадиган плёнкали турлари учрайди. Трубали абсорбер (1.3-расм) плёнкали кожук- трубали иссиқлик алмаштиригичга ўхшайди. Ускунанинг тепа қисмидан кирган суюқлик (абсорбенит) трубанинг ичида плена кўринишда пасга оқади. Кўп трубалари бўлган ускунада суюқликнинг берилиши ва тақсимланишини яхшилаш учун махсус тақсимловчи қурилмалар қўлланилади. Газ абсорбернинг остидан киради ва трубаларнинг ўрта қисмидан абсорбент плёнкаси билан контаклашиб юқорига кўтарилади. Чунки абсорцияда иссиқлик ажралиб чиқади ва бундан ташқари босимнинг ортиши ва температуранинг камайиши билан абсорция жараёни жадаллашади.


1.3. расм. Трубали абсорбер
1–трубалар панжараси; 2-трубалар