Национальная компания

7-БЎЛИМ. СУҒУРТА ШАРТНОМАСИНИНГ БЕКОР ҚИЛИНИШИ

7.1. Суғурта шартномасининг амал қилиши суғурта қилдирувчининг ва (ёки) ␽аф олувчининг ёзма аризасига кўра, Ўзбекистон Республикасининг амалдаги қонун ҳужжатларига мувофиқ муддатидан аввал бекор қилиниши мумкин.
Бундай ҳолатда суғурталовчига тўланган суғурта мукофоти суғурта қилдирувчининг ёзма аризаси ва наф олувчининг ёзма розилигига кўра, суғурта муддатининг ўтмаган даври учун ҳисобланган суғурта мукофотидан 25% чегириб қолиниб, ушбу суғурта шартномасининг 7.4-бандида кўрсатилган ҳолатлар юзага келмаган бўлса, суғурта қилдирувчига ёки гаровга қўювчига ёки суғурта суғурта мукофотини тўлаган шахсга пул ўтказиш йўли билан қайтариб берилади. Бу ҳолатда суғурта мукофотининг кимга қайтарилиши суғурта қилдирувчи аризасида кўрсатилади.
7.2. Суғурта шартномасининг (полисининг) амал қилиши қуйидаги ҳолларда ҳам тўхтатилади:
а) амал қилиш муддати тугаганда;
б) суғурталовчи суғурта қилдирувчи ва наф олувчи олдидаги мажбуриятларни тўлиқ бажарганда;
в) суғурта мукофоти ёки унинг навбатдаги бадали суғурталовчининг банк рақамига ушбу суғурта шартномасида келишилган тўлов санасидан кейин 20 (йигирма) банк куни ичида тўланмаса;
г) Ўзбекистон Республикасининг амалдаги қонун ҳужжатларида назарда тутилган бошқа ҳоллатларда.
7.3. Суғурта шартномасининг амал қилиши муддатидан аввал бекор бўлади, агар:
а) у кучга киргандан кейин суғурта ҳодисаси юз бериши эҳтимоли йўқолган ва суғурта хавфининг мавжуд бўлиши суғурта ҳодисасидан бошқа ҳолатлар бўйича тугаган бўлса. Бундай ҳолатга, хусусан суғурталанган мол-мулкнинг суғурта ҳодисасидан бошқа сабабларга кўра, нобуд бўлиши киради;
б) кредит шартномасига (келишувига) биноан кредит олинмаса.
Бунда суғурта қилдирувчининг ёзма аризаси ва наф олувчининг ёзма розилигига кўра, тўланган суғурта мукофотининг суғурта муддатининг ўтмаган даврига мос қисми суғурта қилдирувчига ёки гаровга қўювчига ёки суғурта мукофотини тўлаган шахсга қайтариб берилади. Бу ҳолатда суғурта мукофотининг кимга қайтарилиши суғурта қилдирувчи аризасида кўрсатилади.
7.4. Агар суғурталовчи қоплаши лозим бўлган суғурта ҳодисаси бўйича даъво мурожаати бўлса ва (ёки) ТВ бўйича қанчадир суғурта қопламаси тўланган бўлса ёки суғурталовчининг суғурта шартномасини (полисини) бекор қилиш тўғрисидаги талабига суғурта қилдирувчи ўз мажбуриятларини бузганлиги асос бўлса, тўланган суғурта мукофоти қайтарилмайди.