N. B. Dilmurodov

Son suyagi – os femoris. 
Son suyagi – uzun, naysimon suyak bo‘lib, yuqori 
tomondan tos suyagiga qiyshiq holatda birlashadi. Yuqorigi proksimal tomonining 
medial qismida son suyagining boshi – 
caput femoris
bo‘ladi va unda 
bog‘lamlarning birikishi uchun chuqurcha – 
fovea capitis
mavjud. 

---

Suyak boshining yonida muskul birlashishi uchun katta do‘mboq - 
trochanter major
bo‘lib, uning asosi ostida muskul uchun do‘mboq osti 
chuqurchasi – 
fossa trochanterica
joylashadi. 
Son suyagi tanasi – 
corpus femoris
da, boshining pastrog‘ida kichik 
do‘mboq – 
trochanter minor
yotadi. Katta do‘mboqdan pastroqda uchinchi 
do‘mboqcha – 
trochanter tertius
joylashadi.
Son suyagi tanasining pastroq tomonida yupqa plantar chuqurcha – 
fossa 
plantaris
bo‘ladi.
Suyakning distal qismida boldir suyaklari bilan birlashishi uchun lateral va 
medial to‘piqlar – 
condylus lateralis et medialis
bo‘ladi. Ular to‘piqlararo 
chuqurcha – 
fossa intercondyloidea
orqali bir-biridan ajralib turadi. 
Lateral to‘piqning orqasida tizza osti muskuli chuqurchasi – 
fossa musculi 
poplitei
bor. O‘siqlarning ustki tomonida tizza qopqog‘i bloki – 
trochlea patellaris
bo‘lib, u quyidagicha tuzilishga ega: lateral – kichik va medial – katta to‘piq 
tarog‘i hamda to‘piq jiyaklaridan iborat. Yon to‘piqning (o‘siqning) pastki qismida 
chuqurcha – 
fossa extensoria
bo‘lib, undan barmoqlarni yozuvchi muskul 
boshlanadi.
Son suyagi 
A-itniki, B-cho‘chqaniki, V-sigirniki, G-otniki, D-qo‘ylar va E-otlar son 
suyagining pastki qismi. 1-yon to‘piq, 2-orqa chuqurcha, 3-yon lab, 4-g‘adir-budir 
yuza, 5-III-do‘mboq, 6-do‘mboq aro taroq, 7-do‘mboq chuquri, 8-o‘rta do‘mboq, 
9-katta do‘mboq, 10-son suyagining bo‘yni, 11-son suyagining boshi, 12-bosh 
chuquri, 13-kichik do‘mboq, 14-ichki lab, 15-ichki to‘piq, 16-to‘piqaro chuqur,17- 
tizza osti chuquri, 18-yozish chuqurchasi, 19-tizza yuzasi bloki, 20-vezaliy 
suyakchalari uchun joy. 

---

Tizza qopqog‘i
– 
os patella
kunjutsimon suyak bo‘lib, bo‘g‘im yuzasi – 
facies articularis
orqali son suyagiga birlashadi.
Hayvonlardagi farq qiluvchi xususiyatlari. 
Otda – suyak boshi chuqurchasi 
chuqur, katta do‘mboq o‘rtanchi do‘mboqdan ajralgan; uchinchi (o‘rtanchi) 
do‘mboq kuchli rivojlangan. Cho‘chqada – suyakning boshi va bo‘yni yaxshi 
ko‘ringan; do‘mboqlari xuddi qoramolniki kabi bo‘ladi. Itda - katta do‘mboq suyak 
boshidan pastda bo‘ladi; tanasi yumaloq, oldinga yoysimon egilgan; to‘piqlar 
(o‘siqlar) ustida kunjutsimon suyakchalar uchun bo‘g‘im maydonchasi bo‘ladi; 
tizza qapqog‘i oval shaklda.