N. B. Dilmurodov

Keyingi miya
– metencephalon
– miya yoki voroliev ko‘prigi, miyacha, 
to‘rtinchi miya qorinchasidan tashkil topgan. 
Miya yoki voroliev ko‘prigi – 
pons cerebri (Varoli)
– ko‘ndalang valik 
shaklida uzunchoq miyaning oldingi uchida joylashib, oldingi tomonda o‘rta miya 
bilan chegaralanadi. Ko‘prikning yon uchlari miyachaning yon oyoqchalari – 
brachia cerebelli lateralia
sifatida miyachaga boradi. Ko‘prik va oyoqchalar 
o‘tkazuvchi yo‘llardan tuzilgan. Ko‘prikning yadrosida bir tomondan miya yarim 
sharlari po‘stlog‘ining o‘tkazuvchi yo‘llari tugaydi va miyachaning o‘tkazuvchi 

---

yo‘llari boshlanadi. Ko‘prikning yon qismidan uch tarmoqli nerv – 
n. trigeminus
(V juft) boshlanadi. Voroliev ko‘prigining orqasida ko‘ndalang yo‘nalishda tor, 
past valik ko‘rinishdagi trapetsiyasimon tana – 
corpus trapezoideum 
joylashib, u 
eshitish nervi yadrosining o‘tkazuvchi yo‘llaridan tashkil topgan. Trapetsiyasimon 
tananing yon uchlaridan muvozanat-eshitish nervi – 
n. statoacusticus
(VIII juft) va 
yuz nervi – 
n. facialis
(VII juft) chiqadi.
Miyacha
– cerebellum
– sharsimon tuzilma shaklida uzunchoq miyaning 
ustida joylashadi. U ikkita yon bo‘ylama egatcha orqali chuvalchangsimon –
vermis
va ikkita yon bo‘lak 
– lobi lateralis
larga bo‘linadi. Kulrang modda miyacha 
po‘stlog‘i – 
cortex cerebelli
ni hosil qiladi va bundan tashqari markazda joylashgan 
oq moddadagi yadrochalardan iborat. Chuvalchangsimon bo‘lak yuzasida ko‘p 
sonli ko‘ndalang egatcha va yoriqlar mavjud. Ikkita birmuncha chuqur ko‘ndalang 
yoriqcha orqali chuvalchangsimon bo‘lak oldingi, o‘rta va orqa bo‘laklar – 
lobi 
anterior, medius et posterior
ga bo‘linadi.