Мустақил ривожланиш йилларида мамлакатимизда экологик муаммоларни ҳал этиш ва уларнинг салбий оқибатларини бартараф қилиш борасида муайян тажриба орттирилди

V. Атроф муҳитни муҳофаза қилиш, табиатдан оқилона
фойдаланиш ва қулай яшаш шароити яратиш
соҳасидаги фаолиятни кучайтириш

Ўзбекистон Экологик партияси қуйидаги мақсадли минтақавий ва ҳудудий дастурлар ҳамда лойиҳаларнинг жойларда амалга оширилишини фаоллаштиришга интилади:

сув ресурсларидан, шу жумладан, трансчегаравий сув ресурсларидан оқилона фойдаланишга, сувни муҳофаза қилиш зоналари режимига риоя қилишга;
атмосфера ҳавосини, ер ости ва ер усти сувларини ифлосланиши, атроф муҳитнинг шовқинли ва электромагнитли ифлосланиш даражасини пасайтиришга;
саноат, қурилиш, қишлоқ хўжалик, маиший, тиббий ва бошқа чиқиндиларни тўплаш, ташиш, қайта ишлаш, зарарсизлантириш, утилизация қилиш, кўмиш билан боғлиқ бўлган чиқиндиларни бошқариш тизимини такомиллаштиришга;
аҳолини сифатли ичимлик суви билан таъминлашга;
саноат ва маиший оқоваларни тозалаш иншоотларини қуриш ва реконструкция қилишга;
экотизимларни, айниқса табиатни муҳофаза қилиш ноёб объектлари ва ҳудудларини сақлашга;
атроф муҳитга, экотизимларга зарарли таъсирни ва табиий ресурсларни қисқаришини камайтириш мақсадида мавжуд ишлаб чиқариш корхоналарини модернизация қилишга;
шаҳарлар ва аҳоли пунктларининг экологик ҳолатини яхшилаш ҳамда ободонлаштиришга, замонавий урбанизация жараёнининг салбий экологик оқибатларини бартараф этишга, аҳоли пунктларида «яшил ҳудудларни» ташкил этишга;
шаҳарлар ва аҳоли пунктлари, айниқса интенсив шамол эрозияси ва чўллар жойлашган ҳудудлар атрофида ихота ўрмонларини барпо қилишга;
соғлиқни сақлаш тизимини такомиллаштиришга ва аҳолининг генофондини муҳофаза қилишга;
экологик суғурта тизимини яратиш ва ривожлантиришга;
экологик экспертиза, экологик баҳолаш ва экологик аудит тизимларини такомиллаштиришга;
туризмнинг экологик, агро, гастрономик, экстремаль ва бошқа турлари инфраструктурасини ривожлантиришга;
қишлоқларда маиший турмуш маданиятини, айниқса, унинг санитар-гигиеник ва экологик жиҳатларини яхшилашга;
давлат, идоравий, ишлаб чиқариш ва жамоат экологик назорати тизимларини ривожлантиришга.
Шунингдек, Ўзбекистон Экологик партияси жойларда табиатни муҳофаза қилишга йўналтирилган истиқболли инвестицион лойиҳаларни бажарилиши устидан тизимли жамоатчилик экологик мониторингини амалга оширилишини, бу мақсадлар учун давлат бюджетидан ажратилган маблағлар, шунингдек, тўғридан-тўғри хорижий инвестициялари ва кредитлари, ҳомийлар маблағларини ўз вақтида, тўлиқ ўзлаштиришга ва оқилона фойдаланишга ўз эътиборини қаратади.