Мустақил ривожланиш йилларида мамлакатимизда экологик муаммоларни ҳал этиш ва уларнинг салбий оқибатларини бартараф қилиш борасида муайян тажриба орттирилди

IV. Мамлакатда «яшил иқтисодиёт»га ўтишга кўмаклашиш

Ўзбекистон Экологик партияси «яшил иқтисодиёт»га ўтиш мамлакатни ижтимоий-иқтисодий ривожлантиришнинг муҳим омили деб ҳисоблайди.

Ўзбекистон Экологик партияси қуйидагиларни «яшил иқтисодиёт»га ўтишнинг устуворликлари деб ҳисоблайди:
иқтисодиётнинг барча тармоқларида қайта тикланувчи энергия манбаларидан фойдаланиш;
саноат ишлаб чиқариш, энергетика, қишлоқ хўжалиги, савдо, транспорт коммуникация тизими ва коммунал секторда инновацион, ресурстежамкор, энергиятежамкор, сув тежовчи, чиқитсиз (кам чиқитли) ва бошқа экологик тоза технологияларни кенг жорий этиш;
ишлаб чиқаришга илм-фан ютуқлари, инновацион ғоя ва ечимларни татбиқ этишни қўллаб-қувватлаш;
жамият ҳаётининг барча соҳларида ахборот-коммуникация технологияларни фаол татбиқ этиш;
«яшил иқтисодиёт»га ўтиш мақсадларига эришиш учун инвестицияларни жалб қилиш, молиявий, моддий-техник воситаларни ва интеллектуал ресурсларни сафарбар этиш.
Ўзбекистон Экологик партияси қуйидаги мақсадларга йўналтирилган янги қонунлар ишлаб чиқиш ва қабул қилиш ҳамда амалдаги қонунлар ва бошқа норматив-ҳуқуқий ҳужжатларни такомиллаштириш борасида жамоатчилик ташаббускорлигини ривожлантиришни муҳим деб ҳисоблайди:
экологик тоза ва хавфсиз, сув тежовчи, ресурстежамкор ва энергиятежамкор технологияларни татбиқ этишни рағбатлантириш ҳамда иқтисодий, молиявий, солиқ ва бошқа турдаги механизмларни янада ривожлантириш;
энергия ресурсларидан тежамли фойдаланиш, босқичма-босқич қайта тикланувчи энергия манбаларидан фойдаланишга ўтишни таъминлаш;
қишлоқ хўжалигида инновацион технологиялар ва янги самарали услубларини қўллаш ҳисобига ер унумдорлиги ва унинг мелиоратив ҳолатини яхшилаш;
ишлаб чиқарувчига атроф муҳитни муҳофаза соҳасидаги конунчиликни бузиш иқтисодий наф келтирмайдиган тарздаги солиққа тортишнинг самарали тизимини яратиш, табиатни муҳофаза қилиш фаолияти учун солиқ имтиёзлари бериш;
муҳофаза этиладиган табиий ҳудудларни кенгайтириш ва уларнинг бошқариш тизимини такомиллаштириш орқали биохилма-хилликни сақлашга кўмаклашиш.