Мустақил ривожланиш йилларида мамлакатимизда экологик муаммоларни ҳал этиш ва уларнинг салбий оқибатларини бартараф қилиш борасида муайян тажриба орттирилди

III. Аҳолининг экологик хавфсизликни таъминлаш ҳамда
экологик ва санитария меъёрларига риоя этиш бўйича
масъулиятини кучайтириш

Ўзбекистон Экологик партияси аҳолининг экологик хавфсизлик Стратегиясини ишлаб чиқиш ва қабул қилиш ҳамда рўёбга чиқариш ташаббуси билан чиқади.

Ўзбекистон Экологик партиясининг асосий вазифаси давлат органлари, табиатни муҳофаза қилиш ташкилотлари, корхона ва муассасаларнинг экологик хавфсизликни яхлит, яъни атроф муҳит, аҳоли саломатлигини муҳофаза қилиш ва табиий ресурслардан оқилона фойдаланиш масалалари бўйича амалдаги қонунлар талабларига риоя этишлари таъминлаш, стратегия ва дастурларни амалга ошириш ишларида фаоллаштиришдан иборат бўлади.
Ўзбекистон Экологик партияси корхоналар, ташкилотлар, мансабдор шахслар ва фуқароларнинг атроф муҳитни муҳофаза қилиш, табиий ресурслардан оқилона фойдаланишни таъминлаш ҳамда экологик ҳуқуқбузарлик содир этганлиги, атроф муҳит ва фуқаролар соғлиғига зарар етказганлиги учун жавобгарлигини оширади.
Бунда, марказда ва жойларда давлат ҳокимияти органлари, корхона, муассаса ва ташкилотларнинг экологик хавфсизликни таъминлашга қаратилган давлат дастурларини амалга ошириш учун масъулиятини оширишга алоҳида эътибор қаратилади, хусусан:
Орол экологик фожиаси оқибатларининг Оролбўйи аҳолиси ва атроф муҳити учун салбий таъсирни юмшатиш, шунингдек мамлакатнинг бошқа экологик ноқулай ҳудудларида табиий муҳитни соғломлаштиришга;
сув ва сувдан фойдаланиш тўғрисида, ер тўғрисида, ер ости бойликлари тўғрисида, атмосфера ҳавосини муҳофаза қилиш тўғрисида, ўрмонлар, ўсимлик ва ҳайвонот дунёсини муҳофаза қилиш ва улардан фойдаланиш тўғрисида;
мамлакат аҳолисини сифатли ичимлик суви билан таъминлаш бўйича ишларни жадаллаштириш ҳамда хўжалик юритувчи субъектлар ва аҳолини сув ресурсларидан тежамли ва оқилона фойдаланиш борасидаги жавобгарлигини кучайтиришга;
муҳофаза этиладиган табиий ҳудудлар ва объектлар тўғрисида, экологик сертификатлаш ва экспертиза тўғрисида, чиқиндиларни бошқариш тўғрисида ҳамда ишлаб чиқариш фаолиятида экологик талаблар тўғрисида;
экологик тоза транспорт турларини ривожлантириш;
атроф муҳит мониторинги тизимини ривожлантириш тўғрисида;
инновацион, экологик тоза чиқитсиз (кам чиқитли) технологияларни татбиқ этиш тўғрисида;
аҳоли генофондини ҳимоя қилиш ва экологик хатарли ҳудудларда истиқомат қилувчи аҳолини ижтимоий қўллаб-қувватлаш борасида қўшимча чора-тадбирлар тўғрисида;
фуқаролар соғлиғини муҳофаза қилиш тўғрисида;
экологик туризмни ривожлантириш тўғрисида ва бошқалар.