Мухтаров абдуғафур саттар ўҒлининг давлат бошқаруви шаклларининг ўзига хос жиҳатлари: республика шакли мисолида

Битирув ишининг назарий ва амалий аҳамияти. Жамият ва давлат ўзининг куч ва ресурсларини самарали йўналтириши, ўз аъзоларининг ҳуқуқ ва эркинликлари кафолотини таъминлаш орқали фуқаролар шахсий салоҳиятларини намоён қилиб унинг тараққиётига муносиб ҳисса қўшиши учун инсонлар манфаатини тўла ифодалайдиган бошқарув шакли зарурдир. Республика шундай давлат бошқарув шаклларидан бири ҳисобланади.
Давлат бошқарувининг республика шакли ҳақида турли даврларда олимлар ва тадқиқотчилар бир-бирига ўхшаш ва фарқли фиклар юритган ҳамда ўз назарияларини асарлари орқали баён қилган. Битирув ишида мазкур асарларни назарий жиҳатдан атрофлича таҳлил қилиш муҳим аҳамиятга эгадир.
Ўтмишдаги ва бугунги кундаги республика шаклидаги давлатларнинг сиёсий ҳаётини ўрганиш ва кузатиш орқали чуқур таҳлил қилиб улардаги ютуқ ҳамда камчиликларидан келиб чиқиб, давлат бошқарувининг республика шаклини ислоҳ қилиш юзасидан тавсиялар, таклифларни ўз ичига олган амалий аҳамиятга эга хулосалар ишлаб чиқилади.
Шунингдек, ишнинг назарий ва амалий аҳамияти шундаки, унда келтирилган материаллар, таҳлиллар, илгари сурилган тавсиялардан ўқув жараёнида ҳамда давлат бошқарувини ислоҳ қилишда муайян даражада фойдаланиш мумкин.
Битирув иши тузилмасининг тавсифи. Битирув иши кириш, олтита параграфни бирлаштирадиган икки боб, хулоса фойдаланилган адабиётлар рўйхатидан иборат тартибда тузилган.
Ишнинг кириш қисмида битирув иши мавзусининг долзарблиги ва асосланиши, объекти ва предмети, мақсади ва вазифалари, фойдаланилган адабиётлар ва норматив-ҳуқуқий ҳужжатларнинг қисқача ўзаро таҳлили, назарий ва амалий аҳамияти, иш тузилмасининг тавсифи каби масалалар ўз ифодасини топган.
Битирув ишининг асосий қисмида мавзуга оид адабиётлар, норматив-ҳуқуқий ҳужжатлар ва илғор хорижий тажриба қиёсий таҳлили асосида республика бошқарув шакли тушунчаси, хусусиятлари ва юридик табиати, унинг ривожланиш босқичлари, шунингдек ҳозирги замон республикалари турларининг таҳлили амалга оширилган.
Ишнинг хулоса қисмида мавзу бўйича умумлаштирилган хулоса, таклиф ва тавсиялар келтирилган.