Монография Тошкент ирригация ва қишлоқ хўжалигини

Коммуникатив компетентлик – таълимни бошқариш жараѐнида самарали мулоқотни таъминлаш, турли хил кичик гуруҳларнинг, гендер омилларнинг ўзига хослигидан келиб чиқиб уларни бошқариш, горизонтал ва вертикал коммуникация йўналишларида самарали бошқарув мулоқотини ташкил этиш, хорижий ҳамкорлар билан мулоқотнинг этикетларини сақлаш, толерантлик, муомалада юксак нутқ маданиятига эга бўлиш, жамоада ижобий раҳбар имиджини шакллантириш, ѐзма фикрларни мулоқот жараѐнида етказа олиш, оғзаки фикрларни ѐзма тўғри баѐн қилиш, жамоа олдида чиқиш қилиш одобини ўзлаштириш, самарали музокаралар олиб бориш.
Педагогик компетентлик – ўқув-тарбия ва бошқарув жараѐнларини самарали ташкил этишнинг шакл, метод ва воситаларини билиш, ўзлаштириш, амалда қўллаш, касбий фаолият натижаларини квалиметрик таҳлил эта олиш, илғор педагогик ва халқаро тажрибаларни ўрганиш, ўқувтарбия жараѐнини лойиҳалаштириш, муваффақиятли амалга ошириш.
Инновацион компетентлик – таълимдаги инновацион жараѐнлар моҳиятидан хабардорлик, касбий фаолият соҳаси ва тегишли таълим йўналишидаги инновацияларни ўзлаштириш, амалиѐтга фаол татбиқ этиш, замонавий педагогик, ахборот-коммуникация технологиялари соҳасидаги саводхонлик, чет тилларни ўзлаштириш, новаторлик фаолияти.
Тизимли таҳлил ва қарорлар қабул қилиш компетентлиги - касбий фаолият соҳасидаги аниқ ва ностандарт вазиятларнинг тизимли таҳлили, аналитик фикрлаш, мустақил ва оптимал қарорлар қабул қилиш ва амалга ошириш.
Бошқарув компетентлиги – касбий фаолиятдаги реал вазиятларда учрайдиган педагогик муаммо ва вазифаларнинг самарали ечимини таъминлайдиган методик усуллар, замонавий менежмент технологиялари, педагогик-психологик диагностика (сўров, индивидуал ва гуруҳий интервью) технологиялари, самарали бошқарув мулоқотини ташкил эта билиш ва доимо такомиллаштириб бориш, аудиторияда соғлом психологик муҳитни яратиш, педагогик вазиятларига мос ҳолда самарали услубларни қўллай олиш, вақт менежменти, кичик гуруҳлар ва лидерлар билан муносабатни шакллантириш, самарали тактик ва стратегик қарорлар қабул қилиш.