Moliyaviy menejment fanidan mustaqil ish

1. Nomo‘’tadil moliyaviy mustahkamlik koeffitsienti. Korxonalarning zaxira va xarajatlarga bo‘lgan ehtiyojlarini qoplashga o‘z mablag‘larining manbalari hamda uzoq muddatga olingan qarz va kreditlar yetishmaydi, bu qoplanmagan ehtiyojlar qisqa muddatga olingan qarz va kreditlar hisobidan qoplanadi. Bu majburiyatlarni tez fursatda qaytarish lozim.

2. Inqirozga uchragan moliyaviy holat koeffitsienti. Korxona hamda tashkilotlarning zaxira va xarajatlarga bo‘lgan ehtiyojlari ulardagi mavjud butun manbalar — o‘zlik mablag‘larning manbalari, uzoq va qisqa muddatga olingan qarzlar, kreditlar safarbar etilsa ham qoplanmaydi. Demak, korxona va tashkilotlar faoliyatni davom etish imkoniyatlariga ega emas.

3. Balansning mutlaq likvidlik koeffitsienti. Bu koeffitsient qisqa muddatga olingan qarz va kreditlarni korxona hamda tashkilotlarda mavjud naqd pullar hisobidan qaytarib berish imkoniyatini ifodalaydi. Korxonalar balansining umumiy va xususiy likvidlik koeffitsientlari korxonalarni qarzlardan qutilishda potentsial imkoniyatlarini ko‘rsatsa, balansning mutlaq likvidlik koeffitsienti ularning real imkoniyatlarini ifodalaydi.

4. O‘z mablag‘lar va qarzga olingan mablag‘lar o‘rtasidagi o‘zaro nisbat koeffitsienti. Bu koeffitsientni ikki shaklda aniqlash maqsadga muvofiq:
- korxonalarning butun mablag‘lari aktivlari bilan korxonalarning butun majburiyatlari, ya’ni uzoq va qisqa muddatga olingan qarz hamda kreditlar o‘rtasidagi o‘zaro nisbat koeffitsienti. Bu koeffitsient korxona aktivlarini uning umumiy majburiyatlariga bo‘lish yo‘li bilan aniqlanadi;
- korxonalarning aylanma mablag‘lari aylanma aktivlari bilan qisqa muddatga olingan qarz hamda kreditlar o‘rtasidagi o‘zaro nisbat koeffitsienti. Bu koeffitsient korxona aktivlarini uning qisqa muddatli majburiyatlarga bo‘lish yo‘li bilan aniqlanadi.

5. Korxonalarning aylanma aktivlarga bo‘lgan ehtiyojlarini o‘z manbalari bilan ta’minlanish koeffitsienti. Bu koeffitsientni aniqlash uchun korxona o‘z mablag‘larining manbalaridan uzoq muddatli aktivlar qiymati ayrib tashlanadi va qolgan qismi aylanma aktivlar qiymatiga bo‘linadi.