Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

Молиявий активларнинг таснифланиши ва баҳолаши
Б8 Тадбиркорлик субъекти молиявий актив МҲХС 9 даги 4.1.2 банддаги талабларга жавоб беришини МҲХСларга ўтиш санасида мавжуд бўлган фактлар ва шарт-шароитлар асосида текшириши керак.
Сингдирилган деривативлар
Б9 МҲХСларни биринчи марта қўллайдиган тадбиркорлик субъекти сингдирилган дериватив асосий шартномадан ажратилиши ва дериватив сифатида алоҳида ҳисобга олиниши кераклигини қуйидаги саналарнинг кейинроғида мавжуд бўлган шарт-шароитлар асосида текшириши керак: у биринчи марта шартноманинг томони бўлган сана ва МҲХС 9 даги Б4.3.11 бандда талаб этиладиган қайта текшириш санаси.
Давлат заёмлари
Б10 МҲХСларни биринчи марта қўллайдиган тадбиркорлик субъекти барча олинган давлат заёмларини молиявий мажбурият ёки улушли инструмент сифатида БҲХС 32 “Молиявий инструментлар: Тақдим этиш” га мувофиқ таснифлаши керак. Б11 бандда рухсат этилганидан ташқари ҳолатларда, МҲХСларни биринчи марта қўллайдиган тадбиркорлик субъекти МҲХС 9 “Молиявий инструментлар” ва БҲХС 20 “Давлат грантларини ҳисобга олиш ва давлат ёрдамини очиб бериш” даги талабларни МҲХСларга ўтиш санасида бор бўлган давлат заёмларига нисбатан истиқболли равишда қўллаши керак ва давлат заёми бўйича ставка бозор ставкаларидан паст бўлиши натижасидаги нафни давлат гранти сифатида тан олмаслиги керак. Бинобарин, агар МҲХСларни биринчи марта қўллайдиган тадбиркорлик субъекти, олдинги БҲУТларга мувофиқ, бозор ставкаларидан паст ставкага эга бўлган давлат заёмини МҲХС талабларига мос келадиган асосда тан олмаган ва баҳоламаган бўлса, у заёмнинг МҲХСларга ўтиш санасига олдинги БҲУТларга тўғри келадиган баланс қийматини МҲХС бўйича молиявий ҳолат тўғрисидаги бошланғич ҳисоботида ушбу заёмнинг баланс қиймати қилиб олиши керак. Тадбиркорлик субъекти МҲХСларга ўтиш санасидан кейин бундай заёмларни баҳолаш учун МҲХС 9 ни қўллаши керак.
Б11 Б10 банддан қатъий назар, тадбиркорлик субъекти МҲХС 9 ва БҲХС 20 нинг талабларини ретроспектив равишда МҲХСларга ўтиш санасидан олдин олинган ҳар қандай давлат заёмига нисбатан қуйидаги шартни бажарганда қўллаши мумкин: бундай қўллаш учун маълумотлар ушбу заём дастлаб ҳисобга олинган пайтида олинган бўлиши керак.
Б12 Б10 ва Б11 бандлардаги талаблар ва кўрсатма тадбиркорлик субъекти олдин тан олинган молиявий инструментларни ҳаққоний қийматидаги ўзгаришлар фойда ва зарарда ҳисобга олинадиган инструментлар сифатида белгиланиши билан боғлиқ бўлган Г19-Г19Г бандларда изоҳланган истиснолардан фойдаланишини тақиқламайди.