Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

МҲХС бўйича молиявий ҳолат тўғрисидаги бошланғич ҳисобот
Тадбиркорлик субъектининг МҲХСларга ўтиш санасига бўлган молиявий ҳолат тўғрисидаги ҳисоботи.
Олдинги БҲУТ	МҲХСларни биринчи марта қўллайдиган тадбиркорлик субъекти МҲХСларни қабул қилишидан бевосита олдин қўллаган бухгалтерия ҳисобининг асоси.
(a) 2010 йилда МҲХС Фондининг ўзгартирилган конституциясига асосан киритилган ном ўзгаришларидан сўнг МҲХСларнинг таърифи ўзгартирилди.

Б-илова

Бошқа МҲХСларни ретроспектив равишда қўллашдан истисно ҳолатлар
Мазкур илова МҲХС нинг ажралмас қисмидир.
Б1 Тадбиркорлик субъекти қуйидаги истисноларни қўллаши керак:
(a) молиявий активлар ва молиявий мажбуриятларни ҳисобдан чиқариш (Б2 ва Б3 бандлар);
(б) хежни ҳисобга олиш (Б4–Б6 бандлар);
(в) назорат кучига эга бўлмаган улушлар (Б7);
(г) молиявий активларнинг таснифланиши ва баҳоланиши (Б8);
(д) сингдирилган деривативлар (Б9); ва
(е) давлат заёмлари (Б10–Б12).
Молиявий активларни ва молиявий мажбуриятларни ҳисобдан чиқариш
Б2 Б3 бандда рухсат этилган ҳолатдан ташқари ҳолатларда, МҲХСларни биринчи марта қўллайдиган тадбиркорлик субъекти МҲХС 9 даги ҳисобдан чиқариш бўйича талабларни 2004 йилнинг 1 январида ёки ундан кейин содир бўладиган операцияларга нисбатан истиқболли тарзда қўллаши керак. Бошқача қилиб айтганда, агар МҲХСларни биринчи марта қўллайдиган тадбиркорлик субъекти молиявий активларни ёки молиявий мажбуриятларни олдинги БҲУТга мувофиқ 2004 йилнинг 1 январидан олдин содир бўлган операция натижасида ҳисобдан чиқарган бўлса, у ушбу активлар ва мажбуриятларни МҲХСларга мувофиқ тан олмаслиги керак (бундан улар кейинроқ содир бўладиган операция ёки ҳодиса натижасида тан олиш талабларига жавоб берадиган ҳолатлар мустасно).
Б3 Б2 банддан қатъий назар, тадбиркорлик субъекти МҲХС 9 даги ҳисобдан чиқариш бўйича талабларни ретроспектив тарзда у танлаган санадан бошлаб қўллаши мумкин, агар олдинги операциялар натижасида ҳисобдан чиқарилган молиявий активларга ва молиявий мажбуриятларга нисбатан МҲХС 9 ни қўллаш учун зарур бўлган маълумотлар ушбу операцияларни дастлаб ҳисобга олиш пайтида олинган бўлса.