Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

МҲХСларга ўтиш санаси
Тадбиркорлик субъекти ўзининг МҲХС бўйича биринчи молиявий ҳисоботларида МҲХСларга мувофиқ тўлиқ қиёсланувчан маълумотларни тақдим қиладиган бошланғич даврнинг боши.
Шартли таннарх	Берилган санага таннархнинг ёки амортизацияланган қийматнинг ўрнини босадиган сумма. Кейинчалик эскириш ёки амортизация ҳисобланганида, тадбиркорлик субъекти активни ёки мажбуриятни ушбу берилган санада дастлабки марта тан олган ҳамда ушбу активнинг ёки мажбуриятнинг таннархи шартли таннархга тенг бўлган деб фараз қилинади.
Ҳаққоний қиймат	Ҳаққоний қиймат бу баҳолаш санасида бозор иштирокчилари ўртасидаги одатдаги операцияда активни сотишда олиниши мумкин бўлган ёки мажбуриятни ўтказишда тўланиши мумкин бўлган нархдир (МҲХС 13 га қаранг.)
МҲХСлар бўйича биринчи молиявий ҳисоботлар	Тадбиркорлик субъекти МҲХСларга мувофиқлик тўғрисида аниқ ва шартсиз билдириб Молиявий Ҳисоботнинг Халқаро Стандартлари (МҲХСлар)ни қўллаган биринчи йиллик молиявий ҳисоботлар.
МҲХС бўйича биринчи ҳисобот даври	Тадбиркорлик субъектининг МҲХС бўйича биринчи молиявий ҳисоботлари қамраб олган энг охирги ҳисобот даври.
МҲХСларни биринчи марта қўллайдиган тадбиркорлик субъекти	МҲХСлар бўйича биринчи молиявий ҳисоботларини тақдим қиладиган тадбиркорлик субъекти.
Молиявий Ҳисоботнинг Халқаро Стандартлари (МҲХСлар)	Бухгалтерия ҳисобининг халқаро стандартлари Кенгаши (БҲХСК) томонидан чиқарилган Стандартлар ва Шарҳлардир. Улар қуйидагиларни қамраб олади: (a) Молиявий ҳисоботнинг халқаро стандартлари; (б) Бухгалтерия ҳисобининг халқаро стандартлари; (в) МҲХСларни Шарҳлаш бўйича Қўмита (МҲХСШҚ) томонидан чиқарилган Шарҳлар; ва (г) Шарҳлаш бўйича Доимий Қўмита (ШДҚ) томонидан чиқарилган Шарҳлар.^(a)