Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

Хежни ҳисобга олиш
Б4 МҲХС 9 да талаб этилганидек, МҲХСларга ўтиш санасида тадбиркорлик субъекти:
(a) барча деривативларни ҳаққоний қиймати бўйича баҳолаши керак; ва
(б) олдинги БҲУТларга мувофиқ ҳисоботларда активлар ёки мажбуриятлар сифатида акс эттирилган деривативлар бўйича юзага келадиган муддати кечиктирилган барча фойда ва зарарларни чиқариб ташлаши керак.
Б5 Тадбиркорлик субъекти БҲХС 39 мувофиқ хежни ҳисобга олиш талабларига жавоб бермайдиган турдаги хежлаш алоқасини (масалан, хежлаш инструменти бўлиб монетар инструмент ёки чиқарилган опцион хизмат қиладиган кўпгина хежлаш алоқаларини; ёки соф позиция хежланган модда бўлганида) ўзининг МҲХС бўйича молиявий ҳолат тўғрисидаги бошланғич ҳисоботида акс эттирмаслиги керак. Бирок, агар тадбиркорлик субъекти олдинги БҲУТга мувофиқ соф позициясини хежланган модда сифатида белгилаган бўлса, у ушбу соф позициясидаги алоҳида моддани МҲХСларга мувофиқ хежланган модда сифатида қуйидаги шартни бажарганда белгилаши мумкин: у бундай белгилашни МҲХСларга ўтиш санасидан кечиктирмасдан қилиши керак.
Б6 Агар МҲХСларга ўтиш санасидан олдин тадбиркорлик субъекти операцияни хеж сифатида белгилаган бўлса, лекин хеж БҲХС 39 даги хежни ҳисобга олиш бўйича талабларга жавоб бермаса, тадбиркорлик субъекти БҲХС 39 нинг 91 ва 101 бандларини хежни ҳисобга олишни тўхтатиш учун қўллаши керак. МҲХСларга ўтиш санасидан олдин киришилган операциялар ретроспектив равишда хеж сифатида белгиланмаслиги керак.
Назорат кучига эга бўлмаган улушлар
Б7 МҲХСларни биринчи марта қўллайдиган тадбиркорлик субъекти МҲХС 10 нинг қуйидаги талабларини МҲХСларга ўтиш санасидан бошлаб истиқболли равишда қўллаши керак:
(a) умумлашган даромад бош ташкилотнинг эгалари билан назорат кучига эга бўлмаган улушлар ўртасида тақсимланиши тўғрисидаги Б94 даги талабни, агар бундай тақсимлаш назорат кучига эга бўлмаган улушлар салбий қолдиққа эга бўлишига олиб келса ҳам;
(б) бош ташкилотнинг шуъба тадбиркорлик субъектидаги улушининг назоратни йўқотишга олиб келмайдиган ўзгаришларни ҳисобга олиш бўйича 23 ва Б93 бандларда келтирилган талабларни; ва
(в) шуъба тадбиркорлик субъекти устидан назоратни йўқотишни ҳисобга олиш бўйича Б97–Б99 даги талабларни ва МҲХС 5 “Сотиш учун мўлжалланган узоқ муддатли активлар ва давом эттирилмайдиган фаолият” нинг 8А банддаги улар билан боғлиқ бўлган талабларни.
Бироқ, агар МҲХСларни биринчи марта қўллайдиган тадбиркорлик субъекти олдинги бизнес бирлашувларига нисбатан МҲХС 3 ни ретроспектив тарзда қўллашни танласа, у шунингдек МҲХС 10 ни ушбу МҲХСдаги В1 бандга мувофиқ қўллаши керак.