Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

Ҳисоботни бир валютадан бошқа валютага ўтказиш бўйича йиғилган фарқлар
Г12 МҲХС 21 тадбиркорлик субъектидан қуйидагиларни талаб этади:
(a) ҳисоботни бир валютадан бошқа валютага ўтказишдаги баъзи фарқларни бошқа умумлашган даромадда тан олишни ва уларни капиталнинг алоҳида қисмида йиғиб боришни; ва
(б) хорижий бўлинманинг чиқиб кетишида, ушбу бўлинма бўйича бир валютадан бошқа валютага ўтказишдан йиғилган фарқлар (шу жумладан, ўринли бўлганида, ушбу бўлинмага тегишли хежлар бўйича фойда ва зарар) капиталдан фойда ёки зарар таркибига ўтказишни, бунда улар чиқиб кетишдан олинган фойда ёки зарар сифатида қайта таснифланади.
Г13 Бироқ, МҲХСларни биринчи марта қўллайдиган тадбиркорлик субъекти МҲХСларга ўтиш санасида мавжуд бўлган бундай йиғилган фарқлар бўйича ушбу талабларга риоя қилиши шарт эмас. МҲХСларни биринчи марта қўллайдиган тадбиркорлик субъекти ушбу истиснодан фойдаланганида:
(a) барча хорижий бўлинмалар бўйича йиғилган бундай фарқлар МҲХСларга ўтиш санасида нольга тенг деб қабул қилинади; ва
(б) ҳар қандай хорижий бўлинманинг кейинчалик чиқиб кетишидан олинган фойда ёки зарар МҲХСларга ўтиш санасигача йиғилган фарқларни ўз ичига олмаслиги ва ушбу санадан кейин йиғилган фарқларни эса ўз ичига олиши керак.
Шуъба тадбиркорлик субъектлари, қарам тадбиркорлик субъектлари ва қўшма корхоналарга инвестициялар
Г14 Агар тадбиркорлик субъекти алоҳида молиявий ҳисоботларни тайёрлайдиган бўлса, БҲХС 27 бўйича у ўзининг шуъба тадбиркорлик субъектларига, қарам тадбиркорлик субъектларига, қўшма корхоналарга инвестицияларини қуйидагича ҳисобга олиши керак: :
(a) уларнинг таннархи бўйича; ёки
(б) МҲХС 9 га мос равишда.
Г15 Агар МҲХСларни биринчи марта қўллайдиган тадбиркорлик субъекти бундай инвестицияларини БҲХС 27 га мувофиқ уларнинг таннархи бўйича ҳисобга олса, у бундай инвестицияни МҲХСларга мувофиқ молиявий ҳолат тўғрисидаги бошланғич алоҳида ҳисоботида қуйидаги суммаларнинг бири бўйича баҳолаши керак:
(a) БҲХС 27 мос равишда аниқланган таннарх; ёки
(б) шартли таннарх. Бундай инвестициянинг шартли таннархи бўлиб қуйидаги ҳисобланади:
(i) тадбиркорлик субъекти МҲХСларга ўтиш санасидаги унинг алоҳида молиявий ҳисоботларидаги бундай инвестициянинг ҳаққоний қиймати; ёки
(ii) ушбу санадаги олдинги БҲУТларга мос бўлган баланс қиймати.
МҲХСларни биринчи марта қўллайдиган тадбиркорлик субъекти шуъба тадбиркорлик субъектларига, қарам тадбиркорлик субъектларига, қўшма корхоналарга инвестицияларни баҳолашда шартли таннархдан фойдаланишга қарор қилса, у ҳар бир бундай инвестициясини юқоридаги (i) ёки (ii) бўйича баҳолашни танлаши мумкин.