Молиявий ҳисоботнинг халқаро стандарти 1 Молиявий ҳисоботнинг халқаро стандартларини биринчи марта қўллаш

Молиявий активлар ёки молиявий мажбуриятни дастлаки тан олишда ҳаққоний қиймати бўйича баҳолаш
Г20 7 ва 9 бандлардаги талаблардан қатъий назар, тадбиркорлик субъекти МҲХС 9 да Б5.1.2A(б) банддаги талабларни МҲХСларга ўтиш санасида ёки ундан кейин амалга оширилган операцияларга нисбатан истиқболли равишда қўлаши мумкин.
Объектларнинг фойдаланишдан чиқаришга тегишли бўлган ва асосий воситаларнинг таннархига қўшиладиган мажбуриятлар
Г21 МҲХСШҚ 1 “Объектларни фойдаланишдан чиқариш, қайта тиклаш ва шунга ўхшаш мавжуд бўлган мажбуриятлардаги ўзгаришлар” объектларни фойдаланишдан чиқариш, қайта тиклаш ёки шунга ўхшаш мажбуриятдаги маълум ўзгаришларни у билан боғлиқ бўлган активнинг таннархига қўшилиши ёки чегириб ташланишини талаб этади; ушбу активнинг тузатилган эскириши ҳисобланадиган суммаси унинг қолган фойдали хизмат муддати давомида истиқболли равишда кейинчалик амортизацияланади. МҲХСларни биринчи марта қўллайдиган тадбиркорлик субъекти бундай мажбуриятларда МҲХСларга ўтиш санасидан олдин содир бўлган ўзгаришларга нисбатан ушбу талабларни қўллаши шарт эмас. Агар МҲХСларни биринчи марта қўллайдиган тадбиркорлик субъекти ушбу истиснодан фойдаланишга қарор қилса, у:
(a) МҲХСларга ўтиш санасида мажбуриятни БҲХС 37 га мувофиқ баҳолаши керак;
(б) мажбурият МҲХСШҚ 1 қўллаш доирасида бўлганида, мажбурият биринчи марта юзага келган пайтда у билан боғлиқ бўлган активнинг таннархига киритиладиган суммани баҳолаши керак. Бундай баҳолашни ушбу мажбурият кучга эга бўлган давр мобайнида қўлланилган бўлган ҳамда энг тўғри тахминий баҳоланган ва рискка тўғриланган дисконт ставкаси (ставкалари)дан фойдаланган ҳолда ўша санагача дисконтлаш орқали аниқлаши керак; ва
(в) ушбу суммадан ва активнинг жорий баҳоланган фойдали хизмат муддатидан келиб чиқиб, тадбиркорлик субъекти томонидан МҲХСларга мувофиқ қабул қилинган эскиришни ҳисоблаш сиёсатидан фойдаланган ҳолда МҲХСларга ўтиш санасига бўладиган жамланган эскиришни ҳисоблаши керак.
Г21A Тадбиркорлик субъекти Г8А(б) банддаги истиснодан (олдинги БҲУТларга кўра катта географик ҳудудда жойлашган барча фойдали қазилмаларни қамраб оладиган харажатлар марказалари бўйича қазиб олиш босқичларида бўлган нефть ва газ маҳсулотларига нисбатан) фойдаланганида, у Г21 бандни ёки МҲХСШҚ 1 қўллаш ўрнига:
(a) объектларни фойдаланишдан чиқариш, қайта тиклаш ёки шунга ўхшаш мажбуриятларни МҲХСларга ўтиш санасида БҲХС 37 га мувофиқ баҳолаши керак; ва
(б) ушбу сумма ва бундай мажбуриятларнинг олдинги БҲУТларга мувофиқ МҲХСларга ўтиш санасида аниқланган балан қиймати ўртасидаги фарқни бевосита тақсимланмаган фойдада тан олиши керак.