Модуль номи: Жаҳон савдо ташкилоти ҳуқуқи № Казуслар

C.Б.Ибодуллаев

Кайман ЖСТнинг 1999 йилдан буён аъзоси бўлиб, у ўзининг технология, инновация, фан ва таълим ривожланганлиги даражаси бўйича дунёнинг етакчи мамлакатлари сирасига киради. Мазкур давлатда бутунжаҳон университетлар рейтинги, яъни QS ҳамда Times Higher Education рўйхатида топ 50 дан жой олган турли йўналишлар бўйича юқори малакали мутахассисларни тайёрловчи олийгоҳлар мавжуд. Статистик маълумотларга кўра ушбу ОТМ битирган талабалар кейинчалик нуфузли ишларда ишлаш эҳтимоли 89.7 % ташкил этади. Белгравия ҳамда Карпатия давлатлари эса собиқ социалистик тизимидан замонавий бозор иқтисодиётига ўтаётган давлатлар бўлганлиги учун улар ЖСТга 2006 ҳамда 2008 йилларда қабул қилинган. Ушбу давлатлар ўзларининг ривожланиш бўйича устувор йўналишларидан бири сифатида илм ва фанга катта урғу бериш, шу жумладан, иқтидорли ёшларни дунёнинг нуфузли ОТМларида ўқишлари учун кўмаклашиш вазифаси қўйилган. 2016 йилда ушбу мамлакат битирувчилари Каймандаги нуфузли ОТМларидан бири эътироф этилган Роксфорд ҳамда Теймбриджга ҳужжатлар топширишган. Аммо, уларнинг орасидан фақатгина 5.6 % талабаликка тавсия этилган. Таҳлилларга кўра, Каймандаги битирувчиларда эса мазкур кўрсаткич 94.4 % ташкил этган. Бунинг сабаби Кайман ўзининг талабалари учун кириш имтиҳонлари талабларини анча енгиллаштирилган ҳолатда ўтказилган (IELTS 6.5-7.0; GPA 3.5-4.0). Белгравия ва Карпатия талабалари эса ўта мураккаблаштирилган имтиҳонларни топширишган (IELTS 8.0-8.5; GPA 4.5-5.0). Ўқишга кира олмаган талабаларнинг аксарияти мазкур ҳолат юзасидан Белгравия ҳамда Карпатия Таълим вазирликларига аризалар билан мурожаат қилишди. Сиз Кайманнинг нуфузли олийгоҳи битирувчиси ҳамда ҳозирда ЖСТ масалалари бўйича йирик мутахассис сифатида мазкур ҳолат бўйича юридик позициянгизни оммага билдириш мақсадида журналда мақола чиқармоқчисиз. ЖСТнинг қайси қоидалари бузилганлиги ҳақида тўхталиб ўтасиз?