Модуль номи: Жаҳон савдо ташкилоти ҳуқуқи № Казуслар

C.Б.Ибодуллаев

	Фридонияда ишлаб чиқарилган SK бренди остидаги свитерлар арзон ва сифатлилиги билан чет мамлакат бозорларида катта талабга сабаб бўлди, айниқса ёшлар орасида. 2004 йиллардан бошлаб ушбу соҳа ўсишида ўзгаришлар юз бериб, унга кўра иш ўринлари кескин камайиб кета бошлади. Мазкур ҳолат юзасидан Фридониянинг энг йирик савдо шериги, импорт қилувчи давлат – Гразнавия ҳукумати миқёсида махсус комиссиялар тузилиб, эндиликда кириб келаётган свитерларга нисбатан умумий 100 миллион дона ҳажмида чеклов ўрнатилди. Гразнавиянинг свитерлар савдоси бўйича энг йирик экспортёри Фридонияда ишлаб чиқарилган SK свитерлари учун ушбу кўрсаткич 20 миллион дона этиб белгиланди. Бироқ бошқа давлатларга нисбатан ушбу кўрсаткич 55 миллион (Versace) ҳамда 25 миллионни (Armani) ташкил этди. Қолаверса, комиссия томонидан қабул қилинган қарор кучка киришидан 2 кун аввал Freedonia Times ижтимоий журналида нашр этилди. Сиз Freedonia Times журналининг навбатдаги сони билан танишиб чиқдингиз ва унда ҳақиқатдан ҳам комиссиянинг махсус қарори келтирилган. Сизнингча, бундай чекловларни қўллаш ҳамда мазкур қарорни ушбу тартибда оммага чиқариш ЖСТ нормаларига тўғри келадими?	C.Б.Ибодуллаев
	Иллеа парламенти томонидан янги қонун ILL-Act қабул қилинди. Унга кўра, эндиликда кириб келаётган алкогольсиз ичимликлари шийшали идишларда эмас балки махсус қайта ишланган идишларда сотиш тартиби жорий этила бошлади. Бунга сабаб сифатида янгича қадоқланадиган товарларнинг атроф-муҳитга зарари нисбатан анчагина паст бўлиши таъкидланди. Қолаверса, янгича қадоқланиш тизими алкоголь ичимликларни таркибида алкоголь бўлмаган ичимликлардан ажрата олиш имконини яратади. Лихтенбург мамлкати алкогольсиз ичимликларнинг асосий Иллеадаги экспортёри ҳисобланади ва унинг важларига кўра, ILL-Act қоилари биринчи навбатда мазкур давлат учун катта зарар етказади. Лихтенбургнинг таъкидлашича, бундай янги амалиётни қўллаш илмий жиҳатдан ҳам асоссиз ҳисобланади.