Модуль номи: Жаҳон савдо ташкилоти ҳуқуқи № Казуслар

Модуль номи: Жаҳон савдо ташкилоти ҳуқуқи
№	Казуслар	Казусни тайёрлаган профессор-ўқитувчининг Ф.И.Ш
	A davlat o’zining Atelecom kompaniyasi orqali mahalliy va xalqaro telekommunikatsiya ishlarini amalga oshirar edi. Ammo asta-sekinlik bilan A davlatga B davlatning Btelecom hamda Bonline kabi xalqaro telekommunikatsiya kompaniyalari ham kirib kela boshladi. Natijada A davlatning 34 milliondan iborat aholisining telefon ishlata oladigan qismining 27% Btelecom, 38% Bonline kompaniyalarining abonentlariga aylandilar. Oradan 2 yil o’tgach, B davlat Adliya vazirining telefon so’zlashuvlari (Adliya vaziri aynan Bonline kompaniyasi xizmatlaridan foydalangan) dushman C davlat tomonidan eshitilgani haqidagi xabarlar dunyo yangiliklarida bir necha bor takrorlandi. Shundan so’ng, A davlatning Vazirlar Mahkamasi “Xorijiy mamlakatlar telekommunikatsiya kompaniyalaridan foydalanishni cheklash haqidagi” 27-80-son qarorni chiqardi. Ushbu qarorga ko’ra, Davlat organlari xodimlari hamda maktablar, bog’chalar, universitetlar va barcha shifoxonada ishlovchilar faqatgina Atelecomdan foydalanishi lozim edi. Natijada, Btelecom va Bonline A davlatda o’zlarining 90% abonentlarini yo’qotdi. Ushbu voqeadan keyin B davlat A davlat ustidan JSTga murojaat qildi. B davlat o’zining vajlarida A davlat tomonidan GATSning VI, XVI, XVII moddalari hamda Telekommunikatsiya to’g’risidagi to’rtinchi qo’shimcha protokoli buzilganini aytmoqda. Vazifa. Siz A davlatning advokati sifatida uni himoya qiling. A davlatni ushbu murakkab holatdan GATSning boshqa tegishli moddalariga va umumiy qoidalarga tayangan holda olib chiqib ketishga harakat qiling. Vazirlar Mahkamasi tomonidan chiqarilgan qaror GATS qoidalariga zid kelmasligini asoslab berishga urining.