Moddiy ishlab chiqarish asoslari

Ishlab chiqarishni modernizatsiyalash-ishlab chiqarishni zamonaviy texnologiyalar bilan jihozlash, tarkibiy jihatdan texnik va texnologik qayta tuzish, ishlab chiqarishni ma’naviy jihatdan yangilash;
Tarkibiy o‘zgarishlar-iqtisodiyotning muhim tarmoqlarini rivojlantirish, yangi o‘zak tarmoqlarni barpo etish, samarali va mustaqil iqtisodiyotni shakllantirish;
Diversifikatsiya-korxona va tarmoqlar faoliyat sohalarini kengaytirish, mahsulot va xizmat turlarini yangilash, mahsulot va xizmat turlarini ko‘paytirish;
Mahalliylashtirish-ishlab chiqarish jarayonida mahalliy xomashyo va resurslardan kengroq foydalanish, milliy korxonalar uchun butlovchi qismlarni mahalliy ishlab chiqaruvchilar tomonidan yetkazib berish, importni qisqartirish evaziga valyuta resurslarini tejash.
Elektron transport-elektr energiyasi, tovush (telefon), tasvir (internet) va turli xil belgilar tashiladigan transport turi.
Agrar munosabatlar (latincha agrarius-er)-qishloq xo‘jaligida kishilar o‘rtasida bo‘lgan ijtimoiy-iqtisodiy munosabatlar.
Agrar-sanoat majmuasi-muayyan hududda qishloq xo‘jaligi mahsulotlarini ishlab chiqaradigan, qishloq xo‘jaligi uchun texnikalar ishlab chiqaradigan va yetkazib beradigan, hamda qishloq xo‘jaligi mahsulotlarini qayta ishlaydigan bir-birlari bilan bog‘langan korxonalar yig‘indisi.
Agroiqlimshunoslik (yunoncha agros-dala)-iqlimni qishloq xo‘jaligining, asosan dehqonchilikning muhim omili sifatida o‘rganuvchi fan.
Agrotexnika-ekinlarni parvarishlash, ulardan yuqori va sifatli hosil olish usullarining majmui.
Almashlab ekish-iqlimi va tuproq sharoitiga qarab qishloq xo‘jalik ekinlarini navbat bilan ekish.
Donli ekinlar-eng muhim g‘alla ekinlari, asosiy oziq-ovqat mahsuloti, chorva mollari uchun yem, shuningdek, qog‘oz sanoati uchun xomashyo beradi.
Yem-xashak ekinlari-mol va parrandalarga ko‘kat, pichan, yem, silos uchun ekiladigan o‘simliklar.
Yengil sanoat-turli xom ashyolardan (asosan paxta, zig‘ir, ka­non tolasi, hayvon terisi, jun, sun’iy charm, sun’iy tolalardan) keng iste’mol buyumlari ishlab chiqarishga ixtisoslashgan sanoat tarmoqlari.
Industriyalash (latincha in­dustrii-faoliyat)-hozirgi za­mon korxonalarini qurish va fan-texnika yutuqlarini ishlab chiqarishning barcha tarmoqlariga joriy qilish yo‘li bilan rivojlangan sanoatni bunyod etish.
Irrigatsiya (latincha irrigatsio-sug‘orish), sug‘orish-qurg‘oqchil erlarga suv keltirish, dalalarni sug‘orish, tuproqning o‘simlik ildizlari oziqlanadigan qatlamida suv zapasini rostlash. Melioratsiya turlaridan biri.