Moddiy ishlab chiqarish asoslari

Polimetall rudalar (yunon­cha poli- ko‘p)-tarkibida bir necha metall, ya’ni qo‘rg‘oshin, rux, shuningdek, kumush, mis, oltin, vismut, kadmiy, indiy, qalay, kobalt va boshqalar bo‘lgan rudalar.
Rayon (fransuzcha rayon-bir nuqtadan taralgan)-biron-bir xususiyatlariga qarab ajratiladigan hudud: iqtisodiy, tabiiy geografik, ma’muriy rayonlar bo‘ladi.
Iqtisodiy rayon-o‘zining iqtisodiy-geografik o‘rni, ixtisoslashishi va ishlab chiqarishining proporsionalligi hamda o‘zaro bog‘liqlik darajasi bilan farq qiladigan hudud.
Rangli metallurgiya-temirdan boshqa barcha metall rudala­ri qazib chiqarish, boyitish va metallar ishlab chiqarish.
Tabiiy resurslar, tabiat resurslari (fransuzcha re­surs-mablag‘)-insoniyat uchun yashash vositasi bo‘lib xizmat qiladigan va xo‘jalikda foydalaniladigan tabiat elementlari (moddiy boylik va energiya turlari).
Hududiy ishlab chiqarish majmualari-jamiyatning ishlab chiqaruvchi kuchlarini hudud bo‘ylab joylashtirish shakli bo‘lib, fan-texnika inqilobi sharoitida ishlab chiqaruvchi kuchlarni taraqqiy ettirish vazifalariga mos tushadi.
Texnika ekinlari-sanoatning turli tarmoqlari uchun xom ashyo beradigan qishloq xo‘jalik o‘simliklari. Qanday mahsulot olinishiga qarab bir necha gruppaga bo‘linadi: kraxmalli ekinlar (kartoshka, batat-shirin kartoshka va b.), qandli ekinlar (shakarqamish, qand lavlagi va b), moyli ekin­lar (kungaboqar, yeryong‘oq, soya, kanakunjut, kunjut, zig‘ir, gorchitsa, zaytun, tung va b.), efir moy­li ekinlar (yalpiz, geran, atirgul, lavanda, koriandr va b.), tolali o‘simliklar (paxta, uzun tolali zig‘ir, jut, kanop, kanoplya va b.), bundan tashqari, dorivor, oshlovchi, nar­kotik, bo‘yoq beruvchi va hokazolar.
Tranzit (latincha tranzitus-o‘tish)-biron stansiya, rayon, davlat orqali yuk yoki passajir olib o‘tish.
Transport (latincha transpor­to-tashiyman)-xalq xo‘jaligining yuk va passajir tashiydigan tarmog‘i.
Tuproq-yer po‘stining o‘simliklar o‘sa oladigan darajada unumdor bo‘lgan eng ustki yumshoq qismi.