Moddiy ishlab chiqarish asoslari

Undiruvchi sanoat-xilma-xil xom ashyo va yoqilg‘i undirish, qazib chiqarish bilan shug‘ullanadigan ishlab chiqarish sohasi. Kon sanoati, yog‘och tayyorlash, baliq ovlash, ovchilik va boshqalar undiruvchi sanoatning aso­siy tarmoqlaridir.
Ferroqotishma (latincha ferrum-temir)-temirning marga­nets bilan (ferromarganets), krem­niy bilan (ferrosilitsiy), xrom bilan (ferroxrom), volfram bi­lan (ferrovolfram), molibden bilan (ferromolibden) va boshqa elementlar bilan qotishmalari. Ferroqotishma po‘lat eritib olish, erigan metallardan kislorodni chiqarib tashlash va metallga biron xossa berish uchun ishlatiladi.
Xom ashyo-ishlab chiqarish uchun mehnat sarf bo‘lgan, lekin hali ishlov berilmagan yoki qayta ishlanmagan material yoki mahsulotlar.
Yarim fabrikat-ishlov berilgan, lekin hali tayyor mahsulot hisoblanmagan (tayyor mahsulotga aylanishi uchun yanada ishlanadigan) xom ashyo. Yarim fabrikat, yarim mahsulot-iste’mol qilish uchun hali tayyor bo‘lmagan va qo‘shimcha ishlov talab qiladigan mahsulot (sellyuloza, kalava ip, quyma po‘lat va boshqalar.), qisqasi xom ashyo.
Sellyuloza (fransuzcha-sel­lyuloza asli latincha sellyula-katak so‘zidan), kletchatka-o‘simlik hujayralari po‘stlog‘ining suvda erimaydigan eng aso­siy tarkibiy qismi, tabiatda eng ko‘p tarqalgan polimerlardan bi­ri.
Shartli yoqilg‘i-issiqlik berish quvvati 7000 kkal/kg ga baravar deb qabul qilingan yoqilg‘i.
Hosildorlik-bir ga ekin maydonidan s hisobida olingan qishloq xo‘jalik mahsuloti miqdori.
Sanoatni rayonlashtirishning mohiyati-turli katta-kichiklikdagi hududiy-ishlab chiqarish kombinatsiyalarini (uyg‘unligini) ajratish va asoslab berishdan iborat.
Iqtisodiy rayonlashtirish esa-mamlakatni uning iqtisodiy jihatdan o‘ziga xos hududiy qismlari hisoblanadigan hamda iqtisodiy hayoti, ishlab chiqarish ixtisosi, kattagina ichki ishlab chiqarish aloqalari umumiy bo‘lgan qismlarga bo‘lish.