Moddiy ishlab chiqarish asoslari

Ixtisoslashish-kishilar­ning biron-bir mashg‘ulotda band bo‘lishi yoki mehnatning ayrim vazifalarga bo‘linishi.
Ishlov beruvchi sanoat-kon sanoati, qishloq xo‘jaligi, o‘rmon xo‘jaligi, baliq tutish, ovchilikdan keladigan, shuningdek, sintetik yo‘l bilan olinadigan xom ashyoga ishlov beradigan yoki uni qayta ishlaydigan sanoat tarmoqlari.
Iqlimlashish-o‘simlik va hayvonlarning yangi sharoitga moslashishi.
Konsentrat (latincha konsen­tratus-to‘plangan)-foydali qazilmalarni boyitish (konsen­tratsiya qilish) yo‘li bilan olin­gan mahsulot.
Konsentratsiya-predmet, hodisa-voqealarning bir joyga to‘planishi, yig‘ilishi, birlashishi.
Korxona-ijtimoiy talablarni qondiruvchi va sof foyda olish maqsadida mahsulot ishlab chiqaruvchi, ishlar bajaruvchi, xizmat ko‘rsatuvchi mustaqil xo‘jalik yurituvchi iqtisodiyot sub’ektidir.
Melioratsiya (latincha melioratsio-yaxshilash)-qishloq xo‘jaligida foydalanaladigan yerlarning holatini tubdan yaxshilash maqsadida amalga oshiriladigan agrotexnik va gidrotexnik tadbirlar.
Metallurgiya (metall va yunoncha ergon-ish)-ruda va tarkibida metall bo‘lgan materiallardan metall olish, metall va qotishmalarning ximiyaviy tarkibini, strukturasini o‘zgartirish jarayonlarini o‘z ichiga olgan fan, texnika va ishlab chiqarish sohasi.
Moyli ekinlar-moy olish uchun ekiladigan o‘simliklar. Kungaboqar, zig‘ir, kunjut, kana-kunjut, maxsar, yeryong‘oq, soya, gor­chitsa, konoplya, paxta va boshqalar.
Monokultura xo‘jaligi (yunoncha monos-bitta va latin­cha kultura-ekish)-birgina joyning o‘zida bir xil ekinni uzluksiz ekish.
Oziq-ovqat sanoati-aholini oziq-ovqat mahsulotlari bilan taminlaydigan sanoat korxonalarining umumiy nomi.
Oltin rudalari-tarkibida oltin bo‘lgan tog‘ jinslari.
Og‘ir mashinasozlik-mashinasozlikniig detallari katta va zalvarli mashinalar ishlab chiqaradigan tarmog‘i.
Og‘ir sanoat-aksari ishlab chiqarish vositalari: mashina va asbob-uskunalar, yoqilg‘i, energiya, metallar, ximiyaviy mahsulotlar, qurilish materiallari va boshqalarni ish­lab chiqaradigan sanoat tarmoqlari.