Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

Ғоявий тарбиядан мақсад нима?
Биз болаларимизни миллий ўзлик билан қуроллантиришимиз, яъни, ғоявий тарбияни кучайтиришимиз лозим.
Ғоявий тарбиянинг вазифалари маҳалла, оилаларда болаларнинг ёш хусусиятларидан келиб чиқиб:
- миллий ғояларимизни англашни шакллантириш;
- бунёдкор ғояларни қўллаб-қувватлаш кўникмаларини шакллантириш;
- вайронкор ғояларни билиш ва уларга қарши “Жаҳолатга қарши маърифат” тамойили асосида муносабат билдиришга ўргатишдан иборат.
Миллий мафкурамиз ҳақида ёшига мос тушунчаларни шакллантириш лозим.
Ўзбекистон Республикасининг биринчи Президенти Ислом Каримов бу масалага алоҳида эътибор қаратиб, экстремистлар ва қўпорувчилар ёшлар онгини заҳарлаб, ҳар хил йўлларга бошлаганлигини айтиб, “Болаларимизнинг онгини ва ҳаётини бузадиган, эртанги кунига мутлақо ишончини йўқотадиган мана шундай ғояларга қарши биз қурол билан эмас, ғоя билан курашишимиз зарур. Бизнинг ғоямиз кучли бўлиши лозим. Авваламбор, ўзимиз, ҳаётнинг ўзида синалган ўз ғоямизга ишониб, майдонга чиқишимиз даркор ”,²⁴ – деб таъкидлади.
Ана шундай ғояларни ёшларни юрагидан жой оладиган фикрларни айта олишимиз лозим. Ўзбекистон Республикасининг Биринчи Президенти Ислом Каримов Олий Мажлис сессиясида ҳаётга катта умидлар билан кириб келаётган ёшларга қарата юракларни титратадиган шундай сўзларни айтадилар:
Эй болам, сенинг Ватанинг битта – барчамизга азиз, бетакрор мана шу Ўзбекистон. Ота-боболарингнинг ҳоки шу ерда ётибди. Шу муқаддас замин сени дунёга келтирган, сен уни обод этишинг, ҳимоя қилишинг шарт. Нафақат сенинг ўз ҳаётинг, балки сенга умид кўзини тикиб турган ота-онанг, опа-сингилларинг, ёш гўдаклар, нуроний қарияларимизнинг ҳаёти ҳам ана шу бурчингни нечоғлиқ адо этишингга боғлиқ.


Миллий ғоя нима?
Ўзбекистон Республикасининг биринчи Президенти Ислом Каримов, “Юксак маънавият – енгилмас куч” номли асарида миллий ғоямизга: “Миллий ғоя деганда, аждодлардан авлодларга ўтиб, асрлар давомида эъзозлаб келинаётган, шу юртда яшаётган ҳар бир инсон ва бутун халқнинг қалбида чуқур илдиз отиб, унинг маънавий эҳтиёжи ва ҳаёт талабига айланиб кетган, таъбир жоиз бўлса, ҳар қайси миллатнинг энг эзгу орзу-интилиш ва умид-мақсадларини ўзимизга тасаввур қиладиган бўлсак, ўйлайманки, бундай кенг маъноли тушунчанинг мазмун-моҳиятини ифода қилган бўламиз,”²⁵ – дея таъриф беради.
Демак, миллий ғоя ҳар қайси миллатнинг:
аждодларидан авлодларига ўтиб келаётган;
асрлар давомида эъзозлаб келинаётган;
ўзини шу юрт, шу миллат вакилиман деб билган ҳар бир инсон ва бутун халқнинг қалбида чуқур илдиз отган;
ҳар бир инсоннинг маънавий эҳтиёжи ва ҳаёт талабига айланиб кетган энг эзгу орзу-интилиш ва умид-мақсадлари экан.