Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
Талаба-ёшларнинг мафкуравий иммунитетини ва ғоявий бардошлилигини мустаҳкамлаш бўйича
услубий тавсиялар

Тошкент – 2022
КИРИШ

Глобаллашув шароитида дунё миқёсида кечаётган мафкуравий курашлар, турли ғоявий-мафкуравий таҳдидлар ҳар бир инсондан огоҳлик ва сергакликни талаб этади. Мамлакатимиз манфаатлари, миллий анъана ҳамда қадриятларимизга ёт бўлган ғоя ва мафкуралар бевосита ёшлар онги ва қалбига қаратилганлиги билан янада хавфлидир.

Мана шундай шароитларда замонавий ахборот технологияларидан самарали фойдаланиб, мафкуравий иммунитетни ёшлар онгида шакллантириш бугунги куннинг долзарб вазифаларидан бири ҳисобланади.
Талабаларда мафкуравий иммунитетни ва ғоявий бардошлилигини ошириш юзасидан амалга ошириладиган ишларнинг сифати ва тезкорлиги эса, миллий ғояни ёшлар онгига сингдиришда устувор аҳамият касб этади.
Ёшларнинг мафкуравий иммунитети, ғоявий бардошлилигини оширишда коммуникацион технологиялардан, шу жумладан: оммавий ахборот воситалари, радио, телевидение каналлари орқали аҳоли, айниқса, ёшлар ўртасида изчил тарғибот ишларини йўлга қўйиш мақсадга мувофиқдир. Шунингдек, глобал ғоявий ва мафкуравий ўзгаришларни туб моҳиятини англаш ва идрок этиш, унга кенг жамоатчиликнинг ақл-заковати, моҳиятини тўғри йўналтириш мазкур вазифани амалга оширишнинг муҳим шарти бўлиб хизмат қилади.
Талабалар мафкуравий иммунитети ва ғоявий бардошлилигини ошириш юзасидан тайёрланган мазкур ишда бир қатор услубий таклиф ва тавсиялар илгари сурилган.
Миллий ғоянинг инновацион тарғибот технологиялари ёшларни турли хуружлардан ҳимоя қилишнинг замонавий усулларига оид ижодий фикр-мулоҳазаларни тарғибот-ташвиқот ишларига, илм-фанга, ўқув жараёнига ва амалиётга татбиқ этиш мазкур соҳадаги ишларнинг самарадорлигини оширишга хизмат қилади. Шу нуқтаи назардан талабалар мафкуравий иммунитети ва ғоявий бардошлилигини ошириш бўйича тайёрланган мазкур услубий тавсиялар соҳа мутахассисларига яқиндан ёрдам берди.