Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

Мусиқа ҳам мафкуравий қурол бўлиши мумкинми?
Албатта, 70 йиллардан бошлаб, ташқи мафкуравий тарғибот мутахассислари ёшларнинг мусиқий, билим эҳтиёжларидан ўз манфаатлари йўлида фойдаланиш учун махсус дастурларини ярата бошладилар. «Мусиқа», «Ёшлар - сизлар учун!» мусиқий дастури ва бошқалар ўсиб келаётган ёш авлодларга қарши қаратилган мафкуравий кўпорувчиликнинг биринчи омилларига айланди. Бу ҳақда радиостанциялар йўриқномаларида аниқ-тиниқ қилиб: «Муваффақиятли тузилган мусиқали дастур тингловчиларда сенинг юртингда эмас, бошқа мамлакатларда шодлик ва фаровонлик мўл деган фикрни туғдириб, ўзгаларнинг ҳаётига маҳлиё қилувчи таъсирчан воситадир» дейилган.²⁷
Ёт мафкуралар хизматига ёлланган оммавий ахборот воситаларининг ўз олдига қўйган бошқа муҳим ва яширин мақсади бу - янги модадаги мусиқий дастурлар орқали катта ва кичик авлодлар дастурларининг мос келмаслигини таъкидлаб ўтиш ва ёшларни меҳнатдан чалғитиб, фақат кўнгил очишга, лаззатланишга йўналтиришдир. Ўзбекистон халқининг маданияти, маънавияти, ғояси, эстетик, аҳлоқий, маънавий, ғоявий қадриятларига секин аста путур етказиш, ёшларда кекса авлодларга салбий муносабат пайдо қилишга ҳаракат қилишни вазифа қилиб қўймоқдалар. Бу борада сездирмасдан ҳаракат қилиб, ёшларда биз шакллантирилаётган мафкуравий иммунитетни - тўсиқни олиб ташлашга ҳаракат қилишмоқда.


Ғоявий таҳдидлар ҳақида қисқача маълумот бера оласизми?
Ғоявий таҳдидлар инсон онгини сохта, беъмани ва нисбий бўлган ғоялар билан тўлдиришга қаратилади. Ғоявий таҳдидлар атайин, мақсадли равишда амалга оширилиши билан хавфли ҳисобланади. Бугунги кунда юртимизда маънавий ва ахлоқий тубанлик манбаи бўлган “оммавий маданият” элементлари бўлмиш эгоизм, ахлоқий бузуқлик, зўравонлик, меъёридан ортиқ даражадаги индивидуализм, мутаассибона эътиқодлик каби ғоявий таҳдидларни четдан туриб тиқиштириш уринишлари кўзга ташланмоқда. Ғоявий таҳдидлар шахсни, миллатни ва миллий маданиятнинг ўзига хослигини издан чиқарувчи хатардир.