«Минерал ўғитлар технологияси» фани бўйича: Минерал ўғитларнинг халқ хўжалигидаги аҳамияти

25. Оддий суперфосфат ишлаб чиқариш технологияси
Хоссаси, хом ашё, реакция, кислота, аралаштириш, етилтириш, парчалаш, аммонийлашган суперфосфат ,тасвири .
Фосфаритнинг сульфат кислотада парчаланиши. Суперфосфат олишда фторапатитнинг парчаланиши икки босқичда содир бўлади. Аввал эркин фосфат кислота ҳосил бўлади:
Са₅(Р0₄)₃F + 5Н₂S0₄ + 2,5Н₂0 = ЗН₃Р0₄ + 5СаS0₄0,5Н₂0 + НF (1.3)
Бу реакция 20…40 минут давомида камерада суперфосфат массасининг пишитилиши даврида тугайди. Кальций сульфат ярим гидрат шаклида чўкмага тушади, аммо бир неча минутда ангидритга айланади, унинг шакли тайёр суперфосфатда сақланиб қолади. Буни суперфосфат камерасидаги реакцион масса температуранинг юқорилиги (110…120°С) ва суюқ фазада (биринчи босқич жараёнининг охирида 42…46% р₂о₅ микдорининг кўплиги билан изоҳланади. Бундай шароитда кальций сульфатнинг стабил шакли ангидрит ҳисобланади.
Сульфат кислот тўла сарфлангандан сўнг иккинчи босқич жараёни – қолган фторапатитнинг тўпланган фосфат кислота билан реакцияси бошланади:
Са₅(Р0₄)₃F + 7НзР0₄ + 5Н₂0 = 5Са(Н₂РО₄)₂Н₂0 + НF (1.4)
Ҳосил бўлган монокальцийфосфат дастлаб эритмада бўлади, унинг тўйинишидан кристалланиши бошланади. СаО - Н₃Р0₄ - Н₂О системасидаги мувозанат диаграммаси кўрсатадики, эритмадаги Р₂О₅, миқдори 42…46% ва температура 100°С дан юқори (бу иккинчи босқич жараёнининг бошланиш шароитига мувофиқ келади) бўлганда монокальцийфосфат Са(Н₂Р0₄)₂Н₂О шаклида кристалланади
Стехиометрик нисбатдаги компонентларнинг таъсирлашуви натижасида содир бўладиган қуйидаги:
2Са₅(РО₄)₃F + 7Н₂S0₄ + ЗН₂О = ЗСа(Н₂Р0₄)₂Н₂0 + 7СаSO₄ + 2НF (1.5)
тенглама бўйича борадиган реакциянинг биринчи босқич жараёнида 70%, иккинчи босқичида эса 30% фторапатит таъсирлашади. Биринчи босқичда кўп миқдордаги суюқ фазада турли тузилишли микрокристаллардан иборат кальций сульфат ҳосил бўлади. Реакцион массанинг қотиши сульфат кислота тўла сарфлангунча содир бўлади. Унинг иштирокида монокальцийфосфатнинг ҳосил бўлиши мумкин эмас; шу боисдан масса қотишининг сабабини фақатгина кальций сульфатнинг кристалланишига боғлаш мумкин. Иккинчи босқич камерали етилтириш даврида бошланади ва омборда маҳсулотни узоқ вақт (хом-ашё навига, ишлаб чиқариш тартибига ва пишитиш шароитига боғлиқ ҳолда 6…25 сутка) пишитишда якунланади.