Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
74
Hujrasi tarafdan onamiz kela berdi. 
— Ha-a, kelin? — dedi onamiz. — Anavi oshingni yeyin Matrosov nima deyapti? 
Ayolimiz piq-piq kuldi. 
— Mototsikl olayotgan emish, — dedi. 
— Eb-ey, qaysi bitiga olar emish? 
— Mukofotga olar emish. 
— Ha-a, davlat tentak bo‘pti-da, tekindan-tekin mototsikl berib! 
— Davlatni unday demang, ena, — dedim. — Ideologiya kelsa, aytib bermayin, tag‘in? 
— Ayta ber! — dedi onamiz. — Ayta ber, Ideologiya suyunchisiga ishtonini yechib beradi! 
Onamiz ikki barmog‘ini enlab-enlab ko‘rsatdi. 
— Ideologiya suyunchisiga manavinday ishtonini yechib beradi! — dedi. 
Ayolimiz og‘iz ushlab-og‘iz ushlab kuldi. 
 
2
Qari bilgichni pari bilmaydi, degichlari chin bo‘ldi. 
Raisimiz hujjat ko‘rdi. 
— Endi, pulini cho‘zing, — dedi. 
— Qanday pul? — dedim. 
— Qanday pul bo‘lardn, mototsiklni pulini-da. 
— O‘zingiz... mukofotga beraman, dedingiz-ku rais bova? 
Raisimiz ket chalqayib-ket chalqayib kuldi. Raisimiz qorin bilqillatib-qorin bilqillatib kuldi. 
Kula-kula, masalani bayon etdi. 
Men o‘ylab o‘yimga yetolmadim: buni nimasi mukofot? Hech qursa, yarim puliga bersalar-da 
mayli edi. Mukofot deyishga til borar edi. Ko‘ngil taskin olar edi. 
Men buncha pulni qaerdan olaman? Bozorda bir kilo go‘sht to‘qqiz so‘m. O‘n kun bo‘ldi — 
qozonimiz go‘sht ko‘rmadi. 
— Rais bova, — dedim. — Xudoga shukur, eshagim bor, bemalol yetib-ortib turibdi. 
— Olasiz, mototsikl olasiz. 
— Kolxozda nima ko‘p, arizaboz ko‘p. Mototsikl mukofoti bersangiz, arizabozlar yozadi. Och 
qornim, tinch qulog‘im, rais bova. 
— Siz sara dehqonimizsiz. Siz mototsikl mukofot olsangiz, arizabozlar... qoladi! 
Men tizzamga shartillatib bir urdim. Bo‘lar gapni aytdim. 
— Xullas kalom... pul yo‘q! Ana bo‘lmasa! — dedim. 
Raisimiz pinagini-da buzmadi. 
— Bilaman, siz aytmasangiz ham bilaman, — dedi. — Dehqonda pul... yeydimi! Dehqon — bag‘ri 
qon, deydi! Mototsikl pulini kolxoz to‘laydi. Keyin, yillik daromadingizdan ushlab qoladi.