Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
82
Urg‘ochi qamish yulish it azob bo‘ldi! Urg‘ochi qamishni tortdim — yulinmadi. Urg‘ochi 
qamishni qayirdim — sinmadi. 
Shu chayirligi uchun-da urg‘ochi qamishdan bo‘yra qiladilar! 
Urg‘ochi qamish bargi kaftlarimni tildi. Urg‘ochi qamish bargi barmoqlarimni tildi. Misoli olmos 
bilan kesmishday tildi! 
Tiliklarimdan qip-qizil qon ko‘pirdi, 
Men tiliklarimni lablarim bilan so‘rdim. Men tiliklarimni tupugim bilan namladim. Men 
tiliklarimni quruq tuproq bosib doriladim. 
Qonim qoldi. Ammo tiliklarim achishib-achishib og‘riy berdi. 
Men qop-qora no‘xat hosilli ituzum yuldim. 
Men handalak hidli zarpechak yuldim. 
Qirqbo‘g‘in g‘o‘zalarimni yopib-yopib o‘sdi. Qirqbo‘g‘in g‘o‘zalarimni o‘rab-o‘rab o‘sdi. 
Qirqbo‘g‘in g‘o‘zalarimni bo‘g‘ib-bo‘g‘ib o‘sdi. 
Dalalarimda ko‘k chirmoviq-da serob bo‘ldi, sariq chirmoviq-da serob bo‘ldi. 
Chirmoviqlar g‘o‘zalarim tanini o‘rab-o‘rab oldi. Chirmoviqlar g‘o‘zalarim jonini siqib-siqib oldi. 
Men qirqbo‘g‘inlarni changallab-changallab yulib tashladim. 
Men chirmoviqlarni tirnoqlab-tirnoqlab yulib tashladim. 
 
14
Yotardan oldin qo‘llarimni olqindilab-olqindilab yuvdim. 
Kaftlarimni qayroqtosh bilan qirdim. Barmoqlarimni qayroqtosh bilan ishqaladim. 
Kaftlarim avi-buji kir bo‘lib qoldi. Barmoqlarim chiziq-chiziq qora bo‘lib qoldi. 
 
15
Idoralab borib edim, raisimiz ostonada oldimni oldi. Ichkaridan qog‘oz o‘rog‘liq bir nima olib 
keldi. 
— Manavini biznikiga olib borib bering, Dehqonqul aka, — dedi. 
— Bu nima? — dedim. 
— Qo‘y go‘sht. Ayolga ayting, kattalarbop ovqat qilsin. Yuqoridan odam bor. Tag‘in, bera solib 
qochmang, go‘shtni maydalab bering. 
— Maylis nima bo‘ladi, rais bova? 
— O‘sha o‘zingiz bilgan maylis-da, boring. 
— Tag‘in qaytib kelayinmi? 
— Kelib yurmang, ayolga qarashing, boring. Mototsiklimni raisimiz darvozasi oldida to‘xtatdim. 
O‘zimizni uyga kirmadim — bolalar qo‘limdagn go‘shtni ko‘rsa tomog‘i tushadi, deya o‘yladim. 
Raisimiz ayoliga go‘shtni berdim. Bor gapni aytdim. 
— Nima ko‘p, yomon qovunni urug‘i ko‘p, nima ko‘p, katta ko‘p... — deya ming‘illadi raisimiz 
ayoli. 
— Unday demang-e, hamsoya, — dedim. 
— Nimaga demayman, deyman! Umrim kattalarga qozon qaynatib o‘tdi! Yana-tag‘in, qirilgurlar 
unday-bunday taomni yemaydi! Bola-baqraga boshqa qozon, kattalarga boshqa qozon qaynataman. 
Bilmayman, kattalar osmondan tushganmi! 
— Ha endi, katta bo‘lgandan keyin, nozikta’b bo‘ladi-da. 
— Ha, kuydirgi chiqsin, nozik ta’biga, kuydirgigina chiqsin! Yana-tag‘in, maylis poylab qozon 
qaynataman. Maylisi o‘lgur bo‘lsa, yarim kechasi tamom bo‘ladi! 
Men raisi so‘rida joylashib o‘tirdim. Pichoqni qayroqtosh charxlab oldim. Go‘sht maydalab 

---

Tog‘ay Murod. Otamdan qolgan dalalar (roman)