Microsoft Word togaymurod otamdan qolgan dalalar lotin ziyouz com doc

 
12
Havo bilan yer harorati o‘n darajadan ostida chigit bo‘rtadi — ammo ko‘karmaydi. Chigit bo‘rtik-
bo‘rtikligicha chirib tamom bo‘ladi. 
Harorat o‘n ikki-o‘n to‘rtda chigit eksa bo‘ladi. 
Ayni kunlar ana shunday kunlar bo‘ldi! 
Chin, dalalarimda harorat o‘lchagichim bo‘lmadi. Harorat o‘lchagichga kunim-da qolmadi. 
Men dalalarim haroratini vujud-vujudim bilan bildim. Men dalalarim haroratini tan-jonim bilan 
tuydim. 
Men dalalarim haroratini yerdan bir hovuch tuproq olib bildim. 
Vujud-vujudlarim aytdi, kaft-kaftlarim aytdi: ana endi ek, dedi. Bugundan hayallasang — dala beti 
qurib qoladi, dedi. So‘g‘in, chigit kech unib chiqadi, dedi. Undan so‘g‘in, ko‘kartirish uchun chigit suv 
berish lozim bo‘ladi, dedi. Unda-da so‘g‘in, chigit suv dalani qotirib tashlaydi, dedi. Oqibat —chigit 
yoppa baraka unib chiqmaydi, dedi. Yomondan-yomoni — kech ekilmish chigit kamhosil bo‘ladi, 
dedi. 
Men traktorni dala o‘ngardim. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
49
Uch santimdan sayoz chigit ekib bo‘lmaydi. Dalabet darrov nam oldiradi. Chigit namsiz betda 
qoladi. Hadeganda ko‘kara bermaydi, Ko‘karsa-da — yoppa baraka ko‘karmaydi. Bitta-bitta ko‘karadi. 
Oqibat — g‘o‘za siyrak-siyrak bo‘lib qoladi. 
Besh santimdan chuqur-da ekib bo‘lmaydi. Besh santim chuqurga harorat yetmaydi. Besh santim 
chuqur ohista-ohista qiziydi. Oqibat chigit-da ohista-ohista unadi. 
Besh santim chuqurni yorib chiqish chigit uchun it azob bo‘ladi! 
Shu bois, men to‘rt santim chuqurlikda chigit ekdim. 
Bir qadam pushtaga yigirma-yigirma beshtadan chigit tushdi. 
Chigit nima uchun bilonihoya-bilonihoya tushdi? 
Masalan, yil seryomg‘ir keldi. Dala sernam keldi. 
Bir-ikkita chigit sernam daladan bo‘rtib chiqolmaydi. Bir-ikkita chigit sernam daladan yorib 
chiqolmaydi. Chigit quvvati yetmaydi. 
Yer og‘ir-da, yer og‘ir. 
Masalan, zil-zambilni bir-ikkita odam ko‘taroladimi? Ko‘tarolmaydi. Ko‘pchilik bo‘lsa — dast 
ko‘taradi. 
Chigit-da shunday-da! Chigit bilonihoya bo‘lsa — yerni dast ko‘taradi. Chigit bilonihoya bo‘lsa — 
yerni quvvat bilan yorib chiqadi. 
Dalalarimni chigit dori isi bosdi. 
Men o‘qchib-o‘qchgab chigit ekdim.