Microsoft Word togaymurod otamdan qolgan dalalar lotin ziyouz com doc

 
10
Tukli chigit bo‘ladi, tuksiz chigit bo‘ladi. 
Tuksiz chigit bo‘lali-bo‘lali bo‘ladi. Tuksiz chigit zalvorli-zalvorli bo‘ladi. 
Tuksiz chigit bexato oladi, tuksiz chigit bexato ko‘karadi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
48
Dalalarim uchun ana shu tuksiz urug‘ chigit keldi. 
Men omborimni shamollatdim. Dorilab yuvdim. Ohak bilan oqladim. 
Omborimga taxta to‘shadim. Taxta ustiga chigit yoydim. 
Men bosh-adoq tanapo‘sh kiydim. Rezina etik kiydim. Qo‘lqop kiydim. Ko‘zoynak taqdim. 
Urug‘ chigitni hovuz soldim. Formalin degich quruq dori bilan doriladim. 
Badbo‘ydan-badbo‘y doridan o‘qchib-o‘qchib oldim. 
Shiypon oldida bir qarich qalin yoydim. Ustidan purkagichda suv sepdim. Yog‘och kurak bilan 
ostin-ustun ag‘dardim. Betinim suvladim. 
Urug‘ chigit suvdan to‘ydi. 
Ivitilmish chigitni tizza bo‘y to‘pladim. Tag‘in suvladim. 
Chigit tomiriga ildizkana kiradi. Tomirni yeydi-eydi — egri-bugri yara etadi. Chigit qoramtir-
qoramtir bo‘lib qoladi. 
Bunday chigit ko‘karmaydi. 
Ana shu ildizkanani daf etish uchun chigitnn geksaxloran bilan doriladim. 
Chigit unib qolmasin deya, shamollatib-shamollatib oldim. 
11 
Traktor ketiga to‘rt qutilik urug‘sepgich taqdim. 
Bir qutiga o‘n besh kilodan chigit soldim. 
Bir vaqtlar chigit bilan gerbitsid aralashtirdim. Chigit yer ko‘rdi — ayni vaqtda chigit bilan 
gerbitsid-da yer ko‘rdn. 
Xlorfenidim degich och kulrang gerbitsid bir-ikki pallali begona o‘tni o‘n-o‘n besh kun yer ostida 
bosib turdi. Dixlorfenidim degich kulrang gerbitsid ko‘p pallali begona o‘tni o‘n-o‘n besh kun yer 
ostida bosh ko‘tartirmay turdi. 
Gerbitsid yer ostada bir yarim oycha turdi — ammo begona o‘tni tamoman yo‘qotolmadi. 
Yomondan-yomoni — gerbitsid begona o‘t bilan barobar o‘n-o‘n besh kun chigitni-da undirmay 
turdi. Gerbitsid paxtani o‘n-o‘n besh kun hayallatdi. 
Shu bois, men endi gerbitsid bahridan o‘tdim. 
Kattalardan lalmi-lalmi do‘qlar eshitdim. 
Ammo gapimni qaytib olmadim.