Microsoft Word pushkin sherlar ziyouz com doc

АНЧАР
22
Хасис тупроқ, намсиз, гиёхсиз. 
Кунда қовжираган биёбон, 
Шунда турар, ер узра ёлғиз, 
Анчар — гўё даҳшатли посбон. 
Ташна чўлда табиат уни 
Ғазабли бир кунла туғаркан, 
Шохлардаги ўлик баргини, 
Томирин захрила сугорган. 
Захар силқиб томиб пўстлоғидан 
Кун таптида эриб оқади, 
Куюлиб кунботар чоғида 
Мусаффо мум бўлиб қолади. 
Яқинида қуш қоқмас қанот. 
Ундан ҳатто йўлбарс хам қочар. 
Гох дуч келиб қора гирдибод 
Ажал ҳидин таратиб учар. 
Намлаб ўтса бир дайди булут 
Унинг нурсиз қора япроғин, 
Шохларидан захардай бўлиб 
Ўтли қумга сачрайди ёғин. 
Аммо унга одамни одам 
Йўллади ҳукмрон назар-ла, 
Итоат-ла йўл олди у хам. 
Эртасига қайтди захар-ла. 
Ажал мумин келтирди одам, 
Ҳам барглари сўлган бир бутоқ, 
Рангсиз, совуқ пешонасидан 
Тер оқарди, гўёки булоқ. 
Келтирди-ю, бўлди бемажол. 
Чайладаги хасга етди-да, 
Бечора қул шунда берди жон 
Ҳукмдорнинг оёқ остида. 
22
Анчар — заҳар дарахти. 

---

Александр Пушкин. Шеърлар ва достон 
www.ziyouz.com kutubxonasi 
56
Князь эса ўқлар нишига 
Бу захарни суркаб бир маҳал. 
Шу ўқ билан ўз қўшнисига — 
Ёт элларга ёғдирди ажал. 
1828 
Асқад Мухтор таржимаси 
ГУЛ 
Қуриган, хиди йўқ, унутилган гул — 
Китобни очаркан кўриб қолдим мен. 
Ғалати хаёлга тўлди-да кўнгил, 
Паришон термулиб, туриб қолдим мен: 
Қаерда ва қачон, қайси бахорда - 
Гуллаган? Узоқми? Ким узди экан? 
Ёт қўлми, танишми узган нахорла. 
Нима учун бу ерга қўйди экан? 
Нозик бир висолнинг эсдалигими. 
Ёки шум айрилиқ — фироқ ёдгори? 
Ёки тинч сахрода, ўрмон соясида 
Ёлғиз сайр, томоша хотиралари? 
Тирикмикан йигит, тирикмикан қиз? 
Шу пайтда уларнинг қайда гўшаси? 
Ёки шу қуриган — сўлғин, белгисиз 
Гул каби сўлдими хар иккаласи. 
1828