Microsoft Word haq hamisha golib ziyouz com doc

 
Tundagi hodisa 
Musulmonlarning xalifasi Umar (r.a.) doimiy odatlariga ko‘ra, bir kun kechasi Madina 
ko‘chalarini aylangani chiqdilar. U ana shunday «sayr» paytida aholining holidan xabar 
olar, adolat buzilmasligini nazorat qilar, beva-bechoralarning arz-shikoyatlarini tinglar 
edilar.
Bu gal ham tungi ko‘chalarni aylanib yurarkan, oldinda bir sharpa ko‘rindi. Yaqinlashib 
qarasa, bir odam hadeb chodir ichiga qarayapti. Hazrati Umar undan so‘radilar: 
– Bu yerda nima qilib turibsan? 
– Sayohatga chiqqan edik. Ichkarida o‘tirgan mening oilam, homilador edi, shu yerda 
to‘lg‘oq tutib qoldi. Majburan biz shu yerda qoldik, biz bilan kelgan karvon yo‘lida davom 
etib ketdi, - deb javob berdi musofir. 
– Unda nega bu yerda turibsan, kirib xotiningga yordam bermaysanmi? – dedilar 
Umar (r.a.). 

---

Haq hamisha g’olib (Umar al-Foruq). Ahmad Muhammad 
www.ziyouz.com kutubxonasi 
22
– Yordam beray, desam, bu ishga aqlim yetmaydi. 
– Unda sen shu yerda tur, men hozir doya olib kelaman.
Umar (r.a.) shunday deb, uylariga jo‘nadilar va uxlab yotgan xotinlarini uyg‘otdilar.
– Yo Ummu Gulsum. Tur o‘rningdan, hozir sening yordaming kerak bo‘lib qoldi. Agar 
urush maydonida jang bo‘lsa, bezovta qilmas edim. Bugun sen keraksan, bu ish sening 
qo‘lingdan keladi. 
Ummu Gulsum chodirdagi ayolga yordam qildi va bir ozdan so‘ng chodir ichidan 
chaqaloqning yig‘isi eshitildi. Yumushlarini tugatib chiqqan Ummu Gulsum musofirni 
o‘g‘illi bo‘lgani bilan qutladi. So‘zlashuv asnosida xotinining tug‘ishiga kimlar yordam 
berganini sezib qolgan musofir tamoman dovdirab qolgandi: 
– Yo amiral-mo‘minin, sizni bezovta qildimmi? 
Bunga javoban hazrati Umar xiyol jilmayib qo‘ydilar va musofirga qattiq tayinladilar: 
– Tongda huzurimga kel. Baytul-moldan kerakli yordam beriladi.