Microsoft Word ЌТК ва М 1 кичоб. doc

Vositalar. Gimnastika darsining asosiy qismida bajarish uchun katta iroda va jismoniy sa’y harakatlar talab qilinadigan mashqlar qo’llaniladi: gimnastika snaryadlarida mashqlar, tayanib sakrashlar, akrobatika mashqlari, amaliy, umumrivojlantiruvchi (yuqori shiddatli) mashqlar.
Muayyan bir mashg’ulot uchun mashqlarni tanlash dars asosiy qismining xususiy vazifalari, shug’ullanuvchilarning individual imkoniyatlari hamda boshqa sharoitlarga bog’liq bo’ladi.
Mashqlarning almashinishi.
Gimnastika mashg’ulotlari dasturi shug’ullanuvchilarda ko’p sonli har xil harakat ko’nikmalari va malakalarini shakllantirishni ko’zda tutadi.
Har xil mashq turlarining soni va ularning almashinishini to’g’ri belgilash darsning muvaffaqiyatli o’tishini belgilab beradi. Bu masalalarni hal etishda, dars
vazifalari, shug’ullanuvchilar tarkibi va boshqa dars o’tish sharoitlaridan tashqari, quyidagilarni hisobga olish lozim:

1. 
   Darsning asosiy qismida shug’ullanuvchilarning yuqori darajadagi ish qobiliyatlarini saqlab qolish sharti. Mashqlarni shunday almashtirib turish lozimki, jismoniy tayyorgarlik mashqlari hamma hollarda darsning asosiy qismini yakunlashi zarur. Masalan, yugurish, to’siqlarni oshib o’tish, sakrashlar bilan bajariladigan o’yinlar shug’ullanuvchi gimnastika snaryadida bajariladigan mashqlar texnikasini egallaydigan turlardan so’ng qo’llanilishi maqsadga muvofiqdir.
   

Yuklamasi bir xil bo’lgan mashqlar birin-ketin bajarilmasligi tavsiya qilinadi.

2. 
   Shug’ullanuvchilar tomonidan dars rejasida belgilangan mashqlarning egallanish darajasi. Bitta darsning asosiy qismi dasturiga ko’p miqdorda egallanmagan (o’zlashtirilmagan) mashqlarni kiritish mumkin emas.
   

Darsning asosiy qismini o’tkazish bo’yicha umumiy uslubiy ko’rsatmalar
O’qituvchi gimnastika darsining asosiy qismini o’tkazishga qo’yiladigan talablarni bajarish uchun quyidagilarni bilishi lozim: shug’ullanuvchilar harakatlarini tahlil qilish va baholash, xatolarni yo’q qilish, mashqlarning bajarilish xavfsizligini ta’minlaydigan choralarni qo’llash

1. 
   O’rgatish uslublari. Ularga quyidagilar kiradi: mashqlarning o’qituvchi tomonidan namoyish qilinishi, uning bajarilish texnikasini tushuntirish, turli xil ko’rgazmali qurollarni namoyish etish.
   

Mashq o’rgatishning birinchi bosqichida kelayotgan axborotning yetakchi analizatori - bu ko’rish analizatoridir. Shu sababli shug’ullanuvchilarda oldinda turgan vazifa to’g’risida aniq tasavvur hosil qilish uchun, o’qituvchi, birinchi navbatda, yaxshi ko’rgazmali axborotni tashkil etishi lozim.

2.