Microsoft Word ЌТК ва М 1 кичоб. doc

Yordam ko’rsatish. Mashqlar aniq va uyg’unlikda bajarilishi uchun o’qituvchi aytib turish, namoyish qilish va sanab turish orqali shug’ullanuvchilarga yordam ko’rsatadi.
Xatolarni tuzatish, Odatda, ko’pgina shug’ ullanuvchilar u yoki bu mashqlarni bajarishda xatolarga yo’1 qo’yadilar. Bu hollarda o’qituvchi tezda xatolarni yo’q qilish choralarini ko’rishi lozim. Ba’zan u, mashqni to’xtatmay turib, yo’l qo’yilgan xatolarni aytib o’tadi.
Bunda bajarilayotgan mashqning sur’ati va maromiga mos holda ko’rsatmalarni berish maqsadga muvofiqdir. Agar ko’p shug’ullanuvchilar xatoga yo’1 qo’ysa, bu holda mashq bajarishni to’xtatish va tegishli tuzatishlarni kiritish maqsadga muvofiq bo’ladi. Xatolarni tuzatishning bu usuli o’quvchilarga mazkur mashqning nimaga qaratilganligi va yo’l qo’yilgan xatolarning qanday oqibatlarga olib kelishi to’g’risida batafsil gapirib berishga o’qituvchiga imkon yaratadi.
Shug’ullanuvchilarning maydonda joylashishi. Shug’ullanuvchilarning mashqni mustaqil bajarishi ko’p hollarda ularning maydonda joylashishiga bog’liq. Ketma-ket qator (kolonna)ning chap qanoti, o’qituvchiga yaqin joylashgan vaziyat mashqlarni o’tkazish uchun qulay bo’lishiga qaramasdan, bunday vaziyatni har doim ham saqlash shart emas. Aksincha, ketma-ket qator (kolonna)dagi boshlovchilarni, ularning bo’yidan qat’iy nazar, muntazam o’zgartirib turish maqsadga muvofiq. Bu guruhdagi hamma shug’ullanuvchilar uchun bir xil sharoitlarni yaratib beradi. Xuddi shu ma’noda turli xil mashqlarni bajarishda o’ngga, chapga, aylanib, yonma-yon (sherenga) va ketma-ket (kolonna) saflanishda bir-biriga yuzma-yuz turib harakatlanishlar orqali ularni o’zgartirib turish lozim.

4. Darsning asosiy qismi

Umumiy vazifalari
Gimnastika darsi asosiy qismining umumiy vazifalari quyidagilardan iborat:

1. 
   Shug’ullanuvchilarning iroda va jismoniy sifatlarini tarbiyalash.
   
2. 
   Hayotiy zarur va sportdagi harakat malakalarini shakllantirish.
   

Har bir gimnastika mashg’ulotida, u kim bilan o’tkazilishidan qat’iy nazar, ikkala vazifa hal qilinadi. Bunda shuni hisobga olish lozimki, gimnastika snaryadlarida mashqlar o’rgatish jarayoni bevosita mashqni bajarish bilan bog’liq bo’lgan tadbirlarga ancha vaqt sarf qilinadi (masalan, namoyish qilish, texnikani tushuntirish, urinishlarni tahlil qilish, vazifalarni qo’yish, asosiysi esa mashqlarni navbatma-navbat bajarish).
Bu dars qismining motor zichligi 3-4% ga yetadi. Natijada, shug’ullanuvchilarda (ular u yoki bu mashqlarni bajarish ko’nikmasi hamda malakasiga ega bo’lishlariga qaramay) bunday tartibda jismoniy sifatlarning rivojlanishi juda sust amalga oshiriladi. Yuzaga kelgan vaziyatni tuzatish uchun jismoniy sifatlarning rivojlanishini ta’minlaydigan maxsus mashqlarni bajarishga vaqt qoldirish, nisbatan oddiy shakldagi mashqlarni tanlash hamda yalpi uslubdan foydalanish zarur.