|
Tuzuvchi:
Buxoro davlat universiteti dotsenti, p.f.f.d.(PhD),
M.J. Abdullayev
Nizomiy nomidagi TDPU, “Jismoniy madaniyat” kafedrasi mudiri, dotsent
U.R.Radjapov
Toshkent Moliya Instituti kata o’qituvchisi,
A.M.Muxametov
Ma’sul muharrir:
p.f.d.(DSc), professor v/b. S.S. Tajibayev
TAQRIZCHILAR:
Buxoro davlat universiteti professori, p.f.d.(DSc), B.B. Ma’murov
Buxoro muhandislik texnologiya instituti dotsenti, p.f.f.d.(PhD) B.B. Sadullayev
KIRISH
Bugungi kunda respublikamizda ijtimoiy sohani rivojlantirish va aholining hayot sifatini yanada oshirish, jumladan, yoshlarni ijtimoiy himoya qilish va turmush darajasini yanada yaxshilashga alohida e’tibor qaratilgan. Ularning faoliyati, hayotiy ehtiyojlari, manfaatlari, qarashlari, maqsadlari, qadriyatlari, yosh bilan bog’liq o’zgarishlarning hayotiga qanday ta’sir ko’rsatishini o’rganish va tahlil qilish muhim ilmiy-amaliy ahamiyat kasb etadi.
O‘zbekiston Respublikasi Prezidenti Sh.M.Mirziyoyevning tashabbusi hamda davlatimiz rahnamoligida jismoniy tarbiya va sportga doimiy katta e’tibor qaratilib kelinmoqda. Jumladan, 2017 yil 3 iyun, Jismoniy tarbiya va ommaviy sportni yanada rivojlantirish chora-tadbirlari to‘g‘risida”gi PQ-3031-son, 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5368-sonli farmon va qarorlarida yurtimiz aholisini sog‘ligini mustahkamlash jismoniy tayyorgarligini oshirish, sog‘lom turmush tarzini shakllantirishga oid masalalarga e’tibor qaratilgan.
Jahon tajribasida, jamiyatning yoshlarga bo’lgan e’tibori va g’amxo’rligi uning insonparvarlik tamoyillari asosida ma’naviy va ma’rifiy jihatdan taraqqiy etganlik darajasini belgilaydi. Shu nuqtai nazardan yoshlarga g’amxo’rlik qilish, ularga mehr-oqibat, hurmat-ehtirom ko’rsatish, o’qish va so’gligini yaxshilash uchun sharoitlar yaratish bugungi kunning asosiy masalalaridan biridir.
Yurtimizda yoshlarni sog‘ligini mustahkamlash, jismoniy tayyorgarlik darajasini oshirish vatan himoyasiga va mehnatga bo‘lgan layoqatini kamol toptirishda jismoniy tarbiya va sportning ahamiyati kattadir. Jismoniy tarbiya va sport insonlarni har tomonlama jismoniy rivojlanishida asosiy vositalardan hisoblanadi.
Jismoniy tarbiya va sportga ixtisoslashmagan ta’lim muassasalarida o‘tkaziladigan jismoniy tarbiya va sport mashg’ulotlarida talabalarni tezkorlik, kuch, chidamlilik sifatlarini rivojlanganlik darajasini oshirish darslardan olayotgan
yuklamalarni organizmga bo‘lgan ta’sirini o‘rganish, jismoniy tarbiya va sport darslarini samaradorligini ta’minlash tahlil jarayoniga yangi pedogogik texnologiyalarni ishlab chiqish vazifalari bugungi kunning dolzarb muommolaridan bo‘lib hisoblanadi.
Shu bilan birga, mamlakatimizning barcha hududlarida ommaviy sportning inson va oila hayotidagi muhim ahamiyati, uning jismoniy va ma’naviy sog‘lomlikning asosi ekanini targ‘ib-tashviq qilish, hayotga katta umid bilan kirib kelayotgan yoshlarni zararli odatlardan asrash, ularga o‘z qobiliyat va iste’dodlarini ro‘yobga chiqarishlari uchun zarur shart-sharoitlar yaratish, ular orasidan iqtidorli sportchilarni saralab olish hamda maqsadli tayyorlash tizimini takomillashtirish borasida muhim va dolzarb vazifalar turibdi.
Hozirda ayniqsa, bolalarni go’daklikdan boshlab ommaviy va mustaqil jismoniy mashg’ulotlarga keng jalb qilish, chiniqtirish, xususan, sog’lom, baquvvat, chidamli, chaqqon bo’lib o’sishlariga jiddiy e’tibor berish juda zarur. Ushbu darslikda harakatli o‘yinlarni qisqacha tarixi, turkumlari va pedagogik ahamiyati, badmintonning paydo bo’lish tarixi va rivojlanishi, o’yini texnikasi va taktikasi, stol tennisi o‘yinining kelib chiqishi, qoidalari va rivojlanish tarixi, o‘yin texnikasi va taktikasi, futbol o‘yinining kelib chiqishi, qoidalari va rivojlanish tarixi, o’yin texnikasi va taktikasi, basketbol o‘yinining kelib chiqishi, qoidalari va rivojlanish tarixi, o’yin texnikasi va taktikasi, voleybol o‘yinining kelib chiqishi, qoidalari va rivojlanish tarixi, o’yin texnikasi va taktikasi, qo‘l to‘pi o‘yinining kelib chiqishi, qoidalari va rivojlanish tarixi, o’yin texnikasi va taktikasi, gimnastikaning tarixi va umumiy tavsifi, maktabda gimnastika mashg’ulotlarini tashkil qilish va o’tkazish, yengil atletikaning paydo bo’lish tarixi va rivojlanish bosqichlari, maktabda yengil atletika mashg’ulotlarini tashkil qilishning xususiyatlari haqida ma’lumotlar berilgan.
Darslik 5111700-Boshlang’ich ta’lim va sport tarbiyaviy ish ta’lim yo’nalishida tahsil olayotgan talabalar uchun mo’ljallangan bo’lib, u Jismoniy tarbiya nazariyasi va metodikasi fan dasturi asosida tayyorlangan.
Do'stlaringiz bilan baham: |
