Менингококк инфекцияси

Иммунофлюоресцент усули. Бунда тери остига орнитоз аллергенлари билан қилинадиган синама муҳим аҳамиятга эга. Реакция касалликни аниқлашда 97,5% мусбат бўлади. Мусбат реакция 2—3 йил, касалликнинг сурункали турида эса 3—5 йил ва ундан ортиқ сақланиб қолади.

Дифференциал ташхиси. Орнитозни грипп, парагрипп, аденовирус ва бошқа вирусли респиратор касалликлари, турли этиологияли зотилжам, шунингдек, тифлар Ку-иситмаси, туляремия, бруцеллёз, юқумли мононуклеоз, ўпка сили, менингит касалликлари билан дифференциал ташхис қилинади. Ташхис эпидемиологик анамнез маълумотлари ва бемордан олинган материални лаборатория усулида текширув натижасига қараб қўйилади.

Давоси. Беморларни даволашда касалликнинг этиологияси ва патогенетикасига асосланилади. Бунда касаллик қўзғатувчисига бактериостатик таъсир этадиган қатор антибиотиклар тайинланади. Вирусли бактериал зотилжамларда, айниқса тетрациклинга чидамли флоралар бўлган холларда антибиотиклар комплексидан фойдаланилади (антибиотиклар характери антибиотикограммага биноан танланади).

Беморга яллиғланишга қарши десенсибилизацияловчи воситалардан пипольфен, супрастин, димедрол, одатдаги миқдорда 5—7 кун давомида ацетилсалицил кислота, шунингдек, витамин препаратлари, юрак-томир воситалари, дезинтоксикация эритмалари, оксигенотерапия, касаллик қайталаётганда эса физиотерапия тайинланади.

Касаллик оғир кечганда кортикостероидлар (преднизолон) буюрилади.

Касаллик кайталанганда унинг ўткир туридагидек даволанади.

Профилактикаси. Орнитоз профилактикаси ветеринария-санитария ва санитария тадбирларидан иборат.

Бетоб бўлган кишилар касалхонага ётқизилади. Касал бўлиб қолган қушлар билан ишлашга тўғри келган кишиларда ва касалликнинг касбий ўчоқларида 2 хафта давомида ҳароратни ўлчаш, КБР ва ортнитоз антигени билан тери остига синама қўйиш орқали кузатув олиб борилади